11 ay ərzində Azərbaycanın güc qurumlarında itki 50 nəfər olub

2024-cü ilin 11 ayı ərzində Azərbaycanın müdafiə və təhlükəsizlik sektorundə itkilər ən azı 50 nəfər olub.

Bunlardan 48-i qeyr-döyüş itkisidir. Ölən daha iki hərbçi 2023-cü ilin sentyabrında Qarabağda antiterror əməliyyatı zamanı yaralanıb və uzun müddət komada olub, Xəzər Hərbi Tədqiqatlar İnstitutu bildirib.

Yol-nəqliyyat qəzasında 15 nəfər, müxtəlif bədbəxt hadisələr nəticəsində 5 nəfər, zəhərlənmə və digər xəstəliklərdən 12 nəfər ölüb, 9 nəfər intihar edib, 4 nəfər qanunsuz hərəkətlərin qurbanı olub, 2 nəfər silahla ehtiyatsız davranma nəticəsində,  bir nəfər naməlum səbəblərdən ölüb.

Ölənlərin 43-ü Müdafiə Nazirliyində, 3-ü Daxili Qoşunlarda, 3-ü Dövlət Sərhəd Xidmətində, 1- i Fövqəladə Hallar Nazirliyində xidmət edib.

24- ü əsgər, 14- ü zabit, 9- u müddətli hərbi qulluqçu, 3-ü gizir olub.

2024-cü ildə 19 hərbçi müxtəlif səbəblərdən yaralanıb.

15 nəfər qəzalarda yaralanıb, iki nəfər düşmən atəşindən yaralanıb, digəri zəhərlənib.

21 ölüm azad edilmiş ərazilərdə, 14-ü keçmiş münaqişə zonasına yaxın hərbi hissələrdə, 15-i ölkənin şərq və cənub bölgələrində baş verib.

2023-cü ildə ölkənin müdafiə və təhlükəsizlik sektorunda itkilər ən azı 260 hərbçi təşkil edib, o cümlədən 212 nəfər döyüş şəraitində ölüb, qalanları qeyri-döyüş itkiləri olub.

Xəzər Hərbi Tədqiqatlar İnstitutu  analitik mərkəz kimi 2015-ci ilin fevralında Almaniyada fəaliyyətə başlayıb. Onun təsisçilərindən biri 2014-cü ilin sentyabrında Azərbaycandan gedənə qədər "Doktrina" Jurnalistlərin Hərbi Araşdırmalar Mərkəzinə rəhbərlik etmiş Cəsur Sumərinli olub.