71 nəfərin deputatlığa namizədliyi təsdiq olunub
Sentyabrın 1-də keçiriləcək Milli Məclisə növbədənkənar seçkilərdə 156 nəfərin deputatlığa namizədliyi irəli sürülüb, bu barədə Mərkəzi Seçki Komissiyasının bugünki iclasında bu qurumun rəhbəri Məzahir Pənahov bildirib.
Onun sözlərinə görə, irəli sürülən namizədlərdən biri öz ərizəsi ilə seçki prosesində iştirakını davam etdirməkdən imtina edib. 71 namizədin namizədliyi təsdiq olunub. Digərlərinin sənədlərinə baxılır.
Deputatlığa namizəd kimi qeydiyyat üçün dairə seçki komissiyasına namizədin xeyrinə ən az 400 seçicinin həqiqi imzası təqdim edilməlidir.
Deputatlığa namizədlərin irəli sürülməsi davam edir.
Bugünki iclasda MSK 7 partiyanın - Azərbaycan Xalq Partiyasının, Azərbaycan Demokrat Partiyasının, Ədalət, Hüquq və Demokratiya Partiyasının, Milli Cəbhə Partiyasının, Azərbaycan Milli Müstəqillik Partiyasının, "Böyük Azərbaycan" Partiyasının və Ağ Partiyanın səlahiyyətli nümayəndələrini təsdiq edib.
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz