![Açiq mənbələrdən foto.](https://turan.az/resized/media/2022/main/033100042553-750-500-resize.webp)
Açiq mənbələrdən foto.
ABŞ-da hesab edirlər ki, Rusiya hərbçiləri Putini “çaşdırıblar”
Vaşinqton/31.03.22/Turan: Ağ Ev hesab edir ki, rusiyalı Vladimir Putini öz hərbçiləri "çaşdırır", bu isə Kremlin liderilə hərbi rəhbərlik arasında gərginliyə səbəb olub, Turan-ın Vaşinqton müxbiri bildirib.
Çərşənbə günü ABŞ-ın yüksək vəzifəli məmuru jurnalistlərə deyib ki, Putinlə onun Müdafiə Nazirliyi arasında “daim gərginlik” var, səbəb “Putinin onun rəhbərliyinə olan inamsızlığıdır”.
Çərşənbə günü Ağ Evin ictimaiyyətlə əlaqələr üzrə direktoru Keyt Bedinqfild açıqlanmış kəşfiyyat məlumatları haqda deyib: “Bizdə məlumat var ki, Putin özünü Rusiya ordusu tərəfindən aldadılmış kimi hiss edir və bu, Putinin narazılığına səbəb olub”.
Pentaqonun sözçüsü Con Kirbi deyib ki, Pentaqon Putinin öz hərbçilərilə barədə “tam məlumatlandırılması” qənaətilə razılaşır.
ABŞ kəşfiyyatının məlumatına görə, hərbçilər Rusiya ordusunun Ukraynadakı uğursuzluğunun miqyasını Putindən gizlədiblər. “Problem ondadır ki, siz belə liderin pis xəbərlərin alınmasına necə reaksiya verəcəyini bilmirsiniz”, - o qeyd edib.
Çərşənbə günü prezident Co Bayden prezident Zelenski ilə ABŞ və müttəfiqləri tərəfindən Ukraynaya hərbi, iqtisadi və humanitar yardım məsələsini müzakirə edib.
"Liderlər Ukraynanın təhlükəsizlik sahəsində əsas tələblərinin yerinə yetirilməsini, öz ölkəsinin müdafiəsi işində Ukrayna hərbçilərinə yardım üçün əlavə imkanların axtarılmasını müzakirə ediblər",- Ağ Evin bəyanatında bildirilir.
Bundan əlavə, Bayden Zelenskiyə bildirib ki, ABŞ Ukrayna hökumətinə 500 milyon dollar birbaşa büdcə yardımı göstərmək niyyətindədir.
Öz növbəsində, Ukrayna mənbələri bildiriblərlər ki, Zelenski amerikalılardan Ukraynaya zərbəçi dronlar, aviasiya ilə mübarizə üçün radioelektron sistemlər, artilleriya sistemləri, zenit-raket kompleksləri, tank əleyhinə raketlər, gəmi əleyhinə raketlər və s. verilməsini xahiş edib.
Həmçinin Ukrayna yaralı hərbçilərin və zirehli texnikanın qonşu ölkələrdə müalicəsinə və təmirinə yardım etməyi xahiş edir.
Pentaqonun spikeri Con Kirbi deyib ki, ABŞ-ın göndərdiyi 30 yeni təchizatdan ilk 6 silah partiyası artıq Ukraynaya çatıb. Vaşinqton tank əleyhinə və hava hücumundan müdafiə sistemlərini prioritet hesab edir. Vaşinqton tank əleyhinə və hava hücumundan müdafiə sistemlərinə prioritet hesab edir, vəd olunmuş Switchblade zərbəçi dronları tezliklə göndəriləcək. -25B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz