![ABŞ Helsinki Komissiyası Azərbaycan üzrə dinləmələr keçirəcək](https://turan.az/resized/750/500/resize/media/2013/main/071000042224.jpg)
ABŞ Helsinki Komissiyası Azərbaycan üzrə dinləmələr keçirəcək
ABŞ Helsinki Komissiyası iyulun 16-da Konqresdə Azərbaycanda vəziyyətlə bağlı xüsusi dinləmələr keçirəcək. Komissiyanın məlumatında deyilir ki, dinləmələr “Problemli tərəfdaş: Azərbaycanda artmaqda olan avtoritarizm” adlanır. Diskussiyalarda əsas diqqət ölkədə seçkiqabağı vəziyyətə yönəldiləcək. Bu barədə Turan-ın Vaşinqton müxbiri xəbər verib.
“ABŞ və Azərbaycanın ümumi maraqları var, energetika və regional təhlükəsizlik də daxil olmaqla, müxtəlif sahələrdə əməkdaşlıq edirlər. Lakin Azərbaycanda hazırki siyasi durumla bağlı narahatlıq artır”, - məlumatda deyilir.
“Həyəcanlı tendensiyalar qorxutmalar və həbsləri, jurnalistlərə, hüquq müdafiəçilərinə qarşı zorakılığı, QHT-lərin qeydiyyatının sərtləşdirilməsini, İnternetdə qanunverici məhdudiyyətləri (böhtana görə cinayət məsuliyyəti də daxil olmaqla), toplaşma azadlığına məhdudiyyətləri, etiraz aksiyalarının dağıdılması üçün güc tətbiqini, nümayişçilərin həbsini, ədalətsiz məhkəmələri, özbaşına və siyasi motivli həbsləri, uzunmüddətli ibtidai həbsləri, icra hakimiyyətlərinin məhkəmə proseslərinə müdaxiləsini əhatə edir”, - məlumatda bildirilir.
Oktyabrda ölkədə prezident seçkiləri keçiriləcək və bu dinləmələr Azərbaycanda hazırki durumu, azad, ədalətli seçkilərin keçirilməsi üçün imkanları müzakirə etməyə şərait yaradacaq.
Dinləmələrdə ABŞ dövlət katibinin demokratiya və insan hüquqları məsələləri üzrə müavininin köməkçisi, rəsmi Bakının nümayəndəsi, Real hərəkatının nümayəndəsi Erkin Qədirli, Milli Demokratiya Fondunun (NED) Rusiya və Avrasiya üzrə direktoru və başqaları iştirak edəcəklər.
Xatırladaq ki, dinləmələrdə iştirak etmək üçün iyulun 14-də Milli Şuranın bir neçə nəfərdən ibarət nümayəndə heyəti Vaşinqtona gedəcək.-25D-
-
- Cəmiyyət
- 11 İyul 2013 11:30
-
- İqtisadiyyat
- 11 İyul 2013 13:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz