![Расим Мусабеков](https://turan.az/resized/media/2018/main/110500014532-750-500-resize.webp)
Расим Мусабеков
ABŞ-ın sanksiyaları Azərbaycan-İran əlaqələrinə mane olacaq - ekspertlər
Bakı/05.11.18/Turan: ABŞ-ın İrana qarşı sanksiyaları Bakının Tehranla əlaqələrinə də təsir edəcək, bu barədə Milli Məclisin Beynəlxalq əlaqələr komitəsinin üzvü, politoloq Rasim Musabəyov Turan Agentliyinə sanksiyaların Azərbaycana təsirlərini şərh edərkən bildirib.
İran Xəzərdə BP-nin operatorluq etdiyi yataqlardan birinin birgə işlənməsində iştirak etmək istəyirdi. Amma indi bu perspektiv qeyri-müəyyən olaraq qalır və bunun nə qədər davam edəcəyi aydın deyil.
Bundan başqa, ABŞ sanksiyalara baxmayaraq İranla əməkdaşlığı davam etdirən ölkələri SWIFT banklararası maliyyə kanalları sistemindən ayıracaq. Bu, dövlət səviyyəsində İranla bank əməliyyatları aparılmasının qadağan edilməsi deməkdir.
Şimal-Cənub nəqliyyat dəhlizinə gəlincə, burada layihənin həyata keçirilməsi xeyli uzana bilər. Bütün bunlar o deməkdir ki, sanksiyalar dolayısıyla Azərbaycana da aid olacaq, deyə deputat qeyd edib.
İqtisadçı ekspert Natiq Cəfərli də hesab edir ki, sanksiyalar Azərbaycana toxunacaq, belə ki, Şimal-Cənub dəhlizi layihəsinin həyata keçirilməsinə təsir edəcək.
"Amma son iki gündə gündəlikdə İran neftinin bazardan tamamilə sıxışdırılması məsələsi durmur. 8 ölkə İrandan neft ala biləcək", deyə ekspert bildirib.
O qeyd edib ki, sanksiyalar Şimal-Cənub nəqliyyat dəhlizinin tikintisində iştirak edən İran şirkətlərinə şamil edilsə, bu, əlbəttə ki, layihənin həyata keçirilməsinə mənfi təsir göstərəcək.
"Bu dəhliz daha çox İrana və Rusiyaya lazımdır və hər iki tərəfin Amerika ilə problemləri var. Buna görə layihə yaxın perspektivdə işlək vəziyyətə gətirilə bilməz", ekspert belə hesab edir.
Eyni zamanda, Cənub Qaz Dəhlizi Qərb üçün zəruri olması ilə əlaqədar sanksiyalara məruz qalmır, baxmayaraq ki, "Şahdəniz" yatağının işlənməsində İranın dövlət neft şirkəti iştirak edir. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz