ABŞ Moskvanı Zaporojyedən çıxmağa çağırır
Bazar ertəsi ABŞ bildirib ki, Zaporojye AES-də reaktorun əsas qoruyucu qabığına zərbələr barədə məıumatdan sonra AES-dəki vəziyyəti izləməyə davam edir.
“Biz Zaporojye AES-ə pilotsuz təyyarənin hücumundan xəbərdarıq", - brifinq zamanı Dövlət Departamentinin rəsmi nümayəndəsi Metyu Miller Turan-ın müxbirinin sualının cavabında deyib.
"Biz MAQATE-nin rəsmi hesabatları vasitəsilə də vəziyyəti izləməyə davam edirik və onlara görə, pilotsuz təyyarənin vurduğu ziyan nüvə təhlükəsizliyini təhdid altına qoymayıb", - o əlavə edib.
Dünən MAQATE bildirib ki, Zaporojye AES-in reaktorunun qoruyucu qabığının əsas konstruksiyaları ən azı üç dəfə birbaşa zərbələrə məruz qalıb. Həm Rusiya, həm də Ukrayna bunda bir- birini günahlandırıblar.
«Biz əminik ki, Rusiya Avropadakı ən böyük Ukrayna Atom Stansiyasını ələ keçirməklə çox təhlükəli oyun oynayır. Biz Rusiyanı öz hərbi və mülki heyətini AES-dən çıxarmağa, AES-ə tam nəzarəti Ukraynanın səlahiyyətli hakimiyyətinə qaytarmağa və AES-də nüvə insidentinə səbəb ola biləcək istənilən hərəkətdən çəkinməyə çağırırıq", - Miller deyib.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz