Vaşinqton/30.09.22/Turan: Cümə günü Bayden administrasiyası Rusiyanın dörd Ukrayna ərazisini ilhaqına cavab olaraq yeni sanksiyalar paketini elan edib. TURANın Vaşinqtondakı müxbiri xəbər verir ki, sanksiyalar hökumət və hərbi rəsmilərə və onların ailə üzvlərinə qarşı yönəlib.
“Bu sanksiyalar Ukrayna ərazisinin statusunu dəyişdirmək üçün qanunsuz cəhdlərə siyasi və ya iqtisadi dəstək verən Rusiya daxilində və xaricində fiziki və hüquqi şəxsləri hədəf alır”, - deyə prezident Co Bayden bildirib.
“Səhv etməyin: bu hərəkətlərin legitimliyi yoxdur. Birləşmiş Ştatlar Ukraynanın beynəlxalq səviyyədə tanınmış sərhədlərinə həmişə hörmətlə yanaşacaq. Biz Kiyevin öz mövqeyini hərbi və diplomatik, o cümlədən əlavə hərbi yardım vasitəsilə gücləndirməklə öz ərazisinə nəzarəti bərpa etmək səylərini dəstəkləməyə davam edəcəyik.
“Biz beynəlxalq ictimaiyyəti bu addımları pisləmək və Rusiyanı məsuliyyətə cəlb etmək üçün toplayacağıq. Mən Konqresin Ukraynaya dəstək üçün əlavə 12 milyard dollar ayıracaq qanunu imzalamasını səbirsizliklə gözləyirəm”, - ABŞ prezidenti bildirib. -0-
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz