Putin Ukrayna torpaqlarının anneksiyasına dair sənədləri imzalayıb

Reuters:  “Bu, milyonlarla adamın iradəsidir” , - Putin Kremlin Georgiyevski zalında yüzlərlə yüksək vəzifəli şəxsin qarşısındakı  çıxışında deyib. “Luqansk, Donetsk, Xerson və Zaporojye vilayətlərinin sakinləri həmişəlik bizim soydaşlarımıza çevriləcəklər”.

Kiyevin hüquqi anlamı olmayan “Kreml iyrənclərinin şousu” adlandırdığı tədbirdə Putin Rusiyanın dəstəklədiyi dörd vilayət rəhbərilə müqavilə sənədlərini imzalamadan öncə Qərbin əleyhinə 37 dəqiqəlik ifşaedici nitqində onu  “açıq-aşkar satanizmdə” ittiham edib.

Sonra hamı əl-ələ verib ayaq üstə alqışlayan yüzlərlə yüksək vəzifəli şəxslə yekdil olaraq “Rusiya! Rusiya!" şüarını səsləndirib.

Mərasim tələsik təşkil olunmuş qondarma referendumların başa çatmasından üç gün sonra keçirilib və bu referendumlarda Moskvanın işğal olunmuş regionlardakı nümayəndələri Rusiyaya birləşməyin lehinə 99 faizə yaxın səs çoxluğuna nail olublar.

Ukrayna və Qərb ölkələrinin hökumətləri bildiriblər ki, cəmi 10 gün öncə elan edilən səsvermə tapançanın lüləsi altnda keçirilib, saxta və qanunsuz olub.

Ukrayna, ABŞ və Birləşmiş Millətlər Təşkilatı bəyan ediblər ki, anneksiya mərasimi heç bir hüquqi qüvvəyə malik olmayacaq.