ABŞ seçkilərində “Super çərşənbə axşamı” günü 16 ştatda praymeriz keçirilir

ABŞ-da bu ilin noyabrında keçiriləcək prezident seçkiləri üçün mühüm dönüş nöqtələrindən biri “Super çərşənbə axşamı”dır. 

Martın 5-də, çərşənbə axşamı ABŞ-da bu seçki ilində bir gündə ən çox ilkin səsvermənin keçirildiyi gündür. Buna görə də o, “Super Çərşənbə Axşamı” adlanır.

Həm Demokratlar, həm də Respublikaçılar partiyası üçün 50 ştatdan 16-sında praymeriz keçiriləcək. “Super Çərşənbə Axşamı” Kaliforniya, Texas və Virciniya kimi xüsusilə vacib yerlər var.

Amerikada bütün gözlər həm Demokratlar, həm də Respublikaçılar üçün mühüm dönüş nöqtəsi olan “Super Çərşənbə axşamı"na yönəlib.

Turan İnformasiya agentliyi ilk dəfə olaraq “Super Çərşənbə Axşamı” günü ABŞ-ın North Carolina ştatının Raleigh şəhərində praymerizləri izləyəcək.

Seçicilərdən, kampaniya könüllülərindən və yerlərdə seçiciləri müdafiə edən təşkilatlardan müsahibə almaq üçün Raleigh ətrafında bir neçə seçki məntəqəsinə baş çəkəcək.

Amerikanın seçki üzrə ekspertləri bu il ABŞ prezidentinin Donald Tramp olacağını istisna etmir.

Onların sözlərinə görə, Amerika tarixində ilk dəfə olaraq “Super Çərşənbə Axşamı” günü darıxdırıcı keçəcək. Ekspertlər hesab edirlər ki, seçki fəallığı əvvəlki illərlə müqayisədə çox deyil.

ABŞ-ın hazırkı prezidenti Bayden öz partiyası üçün praymerizdə lider namizəddir. 

Respublikaçılar partiyasına gəldikdə isə, bu partiyadan olan ABŞ-ın BMT-dəki sabiq daimi nümayəndəsi Nikki Heyli və ABŞ-ın əvvəlki prezidenti Donald Tramp mübarizə aparır.

Prezidentliyə namizədlik uğrunda mübarizə aparan Nikki Heyli bazar günü Vaşinqton şəhəri, Kolumbiya dairəsində Respublikaçılar Partiyasının praymerizində qalib gəlib.

Səslərin 62,9 faizi ona, 33,2 faizi isə eks-prezident Donald Trampa verilib.

Vaşinqton iyulda keçiriləcək Respublikaçıların Milli Qurultayına 19 nümayəndə göndərir.

 Respublikaçılar Partiyasından prezidentliyə namizədin rəsmən irəli sürülməsi burada baş tutacaq. Nümayəndələrin ümumi sayı 2429 nəfərdir.

Tramp 2016-cı ildə Respublikaçılar Partiyasından nominasiya qazansa da, Respublikaçılar arasında Kolumbiya Dairəsində sonuncu dəfə mübarizə apardığı zaman 14%-dən az səs toplayıb və heç bir nümayəndənin dəstəyini almayıb.

Keçən cümə günü Heyli Vaşinqtonda kampaniya tədbirləri keçirib. Şəhərdə Trampın kampaniyası, demək olar ki, olmayıb.

Paytaxtda Demokrat Partiyasının praymerizləri iyunda keçiriləcək.

Bu arada, bazar ertəsi ABŞ Ali Məhkəməsi Donald Trampı 6 yanvar 2021-ci ildə Kapitoliyə hücumu təhrik etdiyi və dəstəklədiyi üçün konstitusiya müddəasına əsasən Kolorado ştatının seçki bülletenindən kənarlaşdıran məhkəmə qərarını ləğv edib. Bu, Trampın prezident postunu bərpa etmək kampaniyasına böyük qələbə qazandırıb.

Kolorado hakimləri Konstitusiyanın 14-cü düzəlişinə əsasən Trampın dövlət vəzifəsində çalışmasını qadağan etmişdi.

Kolorado “Super Çərşənbə Axşamı” günü praymerizlərin keçiriləcəyi ştatlardan biridir.