ABŞ səfirliyi prezident İlham Əliyevin tənqidinə reaksiya verib
ABŞ səfirliyi prezident İlham Əliyevin tənqidinə reaksiya verib
Çərşənbə günü Azərbaycan prezidenti İlham Əliyev Şuşa şəhərinin sakinlərilə görüşdə Qarabağ münaqişəsinin həllindəki fəaliyyətinə görə ATƏT-in Minsk Qrupu ölkələrini tənqid edib.
Əliyev Azərbaycanın maraqlarına cavab verən qərarlar qəbul etməyən ABŞ, Rusiya və Fransanın həmsədrliyilə Minsk Qrupunun təxminən otuz illik vasitəçiliyindən narazılığını bildirib.
“28 il ərzində Minsk Qrupunun fəaliyyəti Azərbaycan xalqına qarşı yönəldilmişdi", - Əliyev deyib. O, keçmiş sovet liderlərini və Qərb dövlətlərini mübahisəli ərazilərlə bağlı Ermənistana yalan vədlər verməkdə və bunun da uzun sürən münaqişə və iztiraba səbəb olmasında ittiham edib.
“Necə ki sovet dövründə ermənipərəst Qorbaçov və ondan sonra Yeltsin bu torpaqları ermənilərə vəd vermişdilər, Fransa da, Amerika da həmçinin. Onlar məsələni həll etmək istəmirdilər. Regional diplomatiyanın böyük oyunçuları -Fransa və Amerika Azərbaycanın mövqeyini nəzərə almaya bilməz, o davam edib.
Azərbaycan liderinin bəyanatı ABŞ səfirinin Şuşaya səfərindən az sonra səslənib.
“Hansısa səfirin Şuşaya gəlməsi bizə minnət kimi təqdim edilməməlidir. Burada, bu torpaqda söz sahibi bizik. Bizim siyasətimiz beynəlxalq hüquqa və ədalətə əsaslanır”, - Əliyev bildirib.
Əliyevin bu ittihamlarını "Amerikanın səsi" radiosunun Azərbaycan xidmətinə şərh edən ABŞ-ın Azərbaycandakı səfirliyində sülh müqaviləsinin bağlanması üçün Azərbaycanla Ermənistan arasında diplomatik səylərin davam etdirilməsinin vacibliyini vurğulayıblar.
Səfirlikdə qeyd ediblər ki, hər iki ölkə onların suverenliyini və ərazi bütövlüyünü tanıyan saziş yolunda əhəmiyyətli uğurlar qazanıb.
“Biz bu dinamikanı saxlamağa və əvvəlki danışıqların nəticələrinə əsaslanan sazişi bağlamağa çağırırıq. Biz hər iki ölkənin rəhbərliyini dəstəkləməyə davam edirik və hər kəsin hüquqlarına hörmət edilən layiqli və davamlı sülhə nail olmaq üçün yardım təklif edirik", - səfirlikdə qeyd ediblər.
-
- Siyasət
- 13 May 2024 12:19
Siyasət
-
Avropa İttifaqının xarici siyasət idarəsinin rəhbəri Josep Borrell Macarıstanın baş naziri Viktor Orbanın Türk Dövlətləri Təşkilatının (OTS) sammitində ittifaqı təmsil etmək mandatı almadığını bildirib. İyulun 5-də Viktor Orban sammitdə iştirak etmək üçün Şuşa şəhərinə gəlib.
-
Şuşada Türk Dövlətləri Təşkilatına üzv ölkələrin liderlərinin Şuşada keçirilən qeyri-rəsmi sammiti Qarabağ bəyannaməsinin imzalanması ilə başa çatıb.
-
Qazaxıstan Prezidenti Kassym-Jomart Tokayev Şuşada, Türkdilli Dövlətlərin Əməkdaşlıq Şurasının qeyri-formal zirvə toplantısında, "Nəqliyyat, kommunikasiya və iqlim fəaliyyəti vasitəsilə dayanıqlı gələcək qurmaq" mövzusunun üzv ölkələrin ümumi maraqlarına xidmət etdiyini vurğuladı. Tokayev, bu görüşün Türkdilli xalqların rifahını artırmaq, yeni inkişaf sahələri kəşf etmək, qardaşlıq əlaqələrini gücləndirmək və regional sabitliyi təmin etmək məqsədi daşıdığını bildirdi.
-
Prezident İlham Əliyev, Türk Dövlətləri Təşkilatının qeyri-rəsmi sammitinin iştirakçılarını səmimi qarşılayaraq, bu tarixi Şuşa şəhərində keçirilən tədbirin əhəmiyyətini vurğuladı. "Hamınızı ürəkdən salamlayıram," dedi Əliyev. "Azərbaycan, Qarabağa xoş gəlmisiniz."
Rəy yaz