“ABŞ-ın Azərbaycandakı səfirliyi mətbuatda ABŞ-ın gələn seçkilərə dair güya planlaşdırdığı siyasəti barədə dərc edilən anonim iddialardan agahdır. Sözügedən məqalələr tamamilə həqiqətə uyğun deyil”. Bu barədə Amerikanın Azərbaycandakı səfirliyinin bu gün yaydığı məlumatda deyilir.
Burada “Yeni Müsavat” qəzetinin bugünki sayında baş məqalə yerində dərc etdiyi “ABŞ Bakıdakı taktikasını dəyişir” adlı yazıdan söhbət getdiyi təxmin edilir. Qəzet diplomatik mənbələrdən daxil olan məlumatlara əsaslanaraq yazır ki, 2015-ci il parlament seçkilərinə ABŞ xüsusi ssenari ilə hazırlaşır. “Məlumdur ki, Milli Məclisin indiki siyasi vitrinindən Qərb narazıdır. Buna görə də ABŞ parlamentdə hakim partiya ilə yanaşı, orada başqa müxalif fraksiyaların olmasını istəıyir”, deyə qəzet yazır.
Məqalədə həmçinin “Amerikanın yeni səfirinin üzərinə qoyulan funksiya dağınıq olan demokratik düşərgəni toparlamaqdır, iddialara görə Qərb bu seçkilərdə iqtidarla hər-hansı məhbusla bağlı “bazarlaşmaya” getməyəcək, səfir əvəzi müxalifətlə nələri müzakirə edib?” kimi mövzulara toxunulub.
Amerika səfirliyi bildirir ki, səfirlikdən hansısa məlumatın şərh olunması xahiş olunmayıb və səfirlik sözügedən məlumatları təkzib edir.
“Müvəqqəti İşlər Vəkili Derek Hoqan həqiqətən siyasi partiyaların baxışlarını daha yaxşı anlamaq məqsədilə bir sıra partiyalarla görüşlər keçirib. Müstəqil, suveren və demokratik dövlət kimi Azərbaycanın inkişafına təkan verən Amerika Birləşmiş Ştatları heç bir seçki prosesinə öncədən qiymət vermək və ya təsir göstərmək niyyətində deyil. Biz Azərbaycan hökuməti və xalqı ilə müxtəlif səpkidə əməkdaşlıq etmək ümidindəyik”, deyə səfirliyin məlumatında bildirilir. -03B-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz