ABŞ Ukraynanın Kursk əməliyyatında iştirak etmir
Çərşənbə axşamı Birləşmiş Ştatlar Ukrananın Rusiyanın Kursk bölgəsinə hazırkı hücumunda iştirak etmədiyini bəyan edib.
"Biz bu əməliyyatın planlaşdırılmasına və ya hazırlanmasına cəlb edilməmişik", deyə Dövlət Departamentinin mətbuat katibinin köməkçisi Vedant Patel brifinqdə Turan-ın suallarına cavabda bildirib.
"Ukrayna hərbiçiləri öz əməliyyatları haqqında özləri danışırlar, bizim rolumuz isə Ukraynanın özünü müdafiə etməsinə kömək etməkdən və onları bunun üçün zəruri olan hər şeylə təmin etməkdən ibarətdir", deyə o qeyd edib.
"Ümumiyyətlə bizim sizinlə bu mövzuda danışmağımızın yeganə səbəbi odur ki, Ukraynada müharibə aparan yeganə ölkə Rusiyadır", deyə o bildirib.
"Prezident Putin Ukraynaya hücum edən şəxsdir və Ukrayna özünü bu təcavüzdən müdafiə edir", deyə Patel vurğulayıb.
Siyasət
-
Müsavat Partiyasının sədri İsa Qəmbər avqustun 14-də ATƏT-in Seçki Müşahidə Missiyasının rəhbəri Ditmir Buşati ilə görüşüb. Görüş Müsavat Partiyasının qərargahında keçirilib və sentyabrın 1-nə təyin olunan növbədənkənar parlament seçkiləri ilə bağlı müzakirələr aparılıb.
-
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
-
İnternet provayderləri arasında sui-istifadə hallarına qarşı araşdırmalara başlanılıb, bu barədə avqustun 14-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti məlumat yayıb.
-
Azərbaycan prezidentinin köməkçisi Elçin Əmirbəyovun "Azadlıq" radiosuna bu yaxınlarda verdiyi müsahibəsində Bakı və Yerevanın Zəngəzur dəhlizi bəndinin sülh müqaviləsindən çıxarılması və onun müzakirəsinin sonrakı mərhələyə keçirilməsi barədə qərara gəlinməsi haqqında sözləri xüsusi diqqət çəkməyib.
Rəy yaz