![Açiq mənbələrdən foto.](https://turan.az/resized/media/2022/main/062400047405-750-500-resize.webp)
Açiq mənbələrdən foto.
ABŞ Ukraynaya qabaqcıl raket sistemləri və digər yardım göndərir
Vaşinqton/24.06.22/Turan: Cümə axşamı Bayden administrasiyası Ukraynaya təhlükəsizlik sahəsində 450 milyon dollar dəyərində daha bir yardım paketi təqdim edib.
Bu, prezident Baydenin Almaniyada G7 görüşündə və İspaniyada NATO sammitində iştirakından bir neçə gün əvvəl baş verib. Hər iki tədbirin əsasən Rusiyanın Ukraynaya qarşı təcavüzünə həsr olunacağı gözlənilir, xəbəri Turan-ın Vaşinqtondakı müxbiri verib.
"Birləşmiş Ştatlar Ukraynanın müdafiə qabiliyyətini möhkəmləndirməyə və onun suverenliyini və ərazi bütövlüyünü dəstəkləməyə davam edir", deyə Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlərə bildirib.
"Ukrayna silahlı qüvvələrinin və ölkə vətəndaşlarının cəsarəti və qətiyyəti dünyanı ilhamlandırmağa davam edir və biz onların öz azadlıqları uğrunda mübarizəsini dəstəkləmək əzmindəyik", deyə o bildirib.
Yeni paketə:
- 4 ədəd yüksək mobil artilleriya raket sistemi;
- 36 000 ədəd 105 mm çaplı mərmi;
- 18 ədəd 155 mm-lik artilleriya silahının yedəklənməsi üçün taktiki maşın;
- 1200 ədəd qumbaraatan;
- 2000 ədəd pulemyot;
- 18 ədəd sahil və çay patrul qayığı;
- Ehtiyat hissələr və digər avadanlıqlar daxildir.
Dövlət katibi Entoni Blinkenin sözlərinə görə, sonuncu yardım nəticəsində ABŞ-ın fevralın 24-dən - Rusiyanın Ukraynaya tammiqyaslı hücumunun başlamasından etibarən təhlükəsizlik sahəsində Ukraynaya ümumi yardımı 6,1 milyard dolları keçib. 0
-
- Cəmiyyət
- 23 İyun 2022 23:51
-
- İqtisadiyyat
- 24 İyun 2022 10:53
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz