Açıq hökumətin Yol xəritəsi təqdim edilib

Bakı/27.02.19/Turan: Vətəndaş cəmiyyəti institutları üçün əlverişli mühitin yaradılması, informasiyaya əlçatanlığın artırılması, maliyyə şəffaflığı, korrupsiyanın qarşısının alınması sahəsində tədbirlər və qanunvericiliyin təkmilləşdirilməsi, Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) tətbiqi (Hasilat sənayesində şəffaflığın artırılması), ictimai iştirakçılığın genişləndirilməsi, yerli dövlət və özünüidarə orqanlarının və ictimai xidmətlər göstərən təşkilatların, ədalət mühakiməsinin səmərəliliyinin artırılması Milli Fəaliyyət Planının əsas prinsipləri olmalıdır. Bu tezislər "Vətəndaş cəmiyyəti və vətəndaşların maraqlarının müdafiəsi" layihəsi çərçivəsində fevralın 27-də Holiday İnn hotelində "Azərbaycanda Açıq hökumətin təşviqinə dair 2019-2022-ci illlər üzrə Milli Fəaliyyət Planının hazırlanması üçün "Yol xəritəsi"nin müzakirəsi ilə bağlı keçirilən "dəyirmi masa"nın əsas mövzusu olub.

"Dəyirmi masa"da Korrupsiyaya Qarşı Mübarizə üzrə Komissiyanın katibi, Vətəndaş Cəmiyyəti Platformasının üzvləri, müstəqil ekspertlər, beynəlxalq təşkilatların nümayəndələri iştirak ediblər.

Korrupsiyaya Qarşı Mübarizə üzrə Komissiyanın Katibliyinin rəhbəri Kamal Cəfərov bildirib ki, Azərbaycan hökuməti Beynəlxalq Açıq Hökumət Təşəbbüsü çərçivəsində mühüm işlər həyata keçirib və yeni plan qəbul edildikdən sonra da bu sahədə işlər görəcək.

"Azərbaycanın Milli Fəaliyyət Planının icrası çərçivəsində elektron xidmətlərin yaradılması və təkmilləşdirilməsi, dövlət xidmətlərinin göstərilməsi, ictimai iştirakçılıq, maliyyə şəffaflığının təmin edilməsi, açıq məlumat bazalarının yaradılması, korrupsiyaya qarşı mübarizə sahəsində həyata keçirilən tədbirlər yüksək səmərə verir", - o qeyd edib.

"Konstitusiya Araşdırmaları" Fondunun prezidenti Əliməmməd Nuriyev bildirib ki, Milli Fəaliyyət Planı açıq hökumət islahatlarının genişlənməsi üçün geniç platforma yaradır.

"Dövlət orqanlarının fəaliyyətində şəffaflıq, hesabatlılığın artırılması, ictimai iştirakçılıq və nəzarət mexanizmlərinin daha işlək olması, vətəndaşlara və biznesə dövlət xidmətlərinin göstərilməsi, ASAN Xidmət təcrübəsinin daha geniş arealı əhatə etməsinə nail olunması, ictimai vəsaitlərin səmərəli istifadəsi, elektron xidmətlərin inkişaf etdirilməsi və bu istiqamətdə nəzarətin gücləndirilməsi sahəsində irəliləyişlər, təkmilləşdirmə aparılması və innovasiyaların tətbiqi yeni hazırlanacaq fəaliyyət planının əsas prioritetləridir", -o bildirib.

İqtisadi Təşəbbüslərə Yardım Mərkləzi İctimai Birliyinin eksperti Samir Əliyev 2019-2021-ci illər üzrə Milli Fəaliyyət Planının Yol xəritəsini təqdim edib.

Müzakirələrdə QHT-lərin qeydiyyatının asanlaşdırlması, qrant layihələri ilə bağlı mühitin liberallaşdırılması, azad meidanın rolunun artırılması və digər məsələlər diqqət mərkəzində olub.

Azərbaycan 2011-ci ildən Açıq Hökumət Təşəbbüsünü dəstəklədiyini bəyan edib. 2016-cı ilin mayın 4-də Azərbycanın statusu müvəqqəti dondurulub. Hazırda ölkə bu qurumun işində müşahidəçi statusunda iştirak edir. Azərbaycan Açıq hökumətin təşviqinə dair 2012-2015 və 2016-2018-ci illər üçün Milli Fəaliyyət Planını həyata keçirib.--0--

Rəy yaz

Siyasət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti