Ağstafa rəhbərliyi prezidentliyə namizədin təbliğat aksiyasıəna müdaxilə edib

Azərbaycanın qərbində yerləşən Ağstafada iqtidar prezidentliyə namizəd, “Ümid” partiyasının aksiya keçirməsinə maneçilik törədir. Mitinq yerli hakimiyyətin kütləvi aksiyalar keçirilməsi üçün ayırdığı şəhər stadionunda bazar günü saat 12-də başlmalı idi.

Amma xüsusi öyrədilmiş adamlar, rayon rəhbərliyi, icra hakimiyyətinin kəndlər üzrə təmsilçiləri iştirakçıların stadiona daxil olmasına maneələr törədirlər.

Onlar insanları saxlayır, qorxudur və təhqir dərək geri qaytarırlar. Üstəlik, rayon icra başçısının Ramiz adlı müavini İ.Ağazadənin MSK-da nümayəndəsi Ruslan İzzətlini döyəcəyilə hədələyib.

Partiyanın mətbuat katibi Elman Abbasov bildirib ki, aksiya iştirakçılarına və “Ümid” partiyasının fəallarına qarşı bu təxribatlar polisin seyrçi münasibəti fonunda və gözləri önündə baş verir. Bütün bunlara baxmayaraq partiya aksiyanı keçirməyə cəhd göstərir.     

Mitinqin keçirilməsinə olan manələrə görə stadionda və onun ətrafında toplaşan insanlar başda İ.Ağazadə olmaqla şəhərin mərkəzinə yürüşə başlayıblar. Amma əlavə polis qüvvələri cəlb edilməklə yürüşün qarşısı alınıb.

Qarşıdurma təhlükəsi yarandığı üçün “Ümid” partiyası aksiyanı dayandırıb. İ.Ağazadə bura toplaşan yerli sakinlərin, məcburi köçkünlərin işsizlik, yoxsulluq, məmur özbaşınalığı, sosial ədalətsizlik lə bağlı şiakyətlərini dinləyib.-0-