Aİ-Azərbaycan tərəfdaşlığı haqqında saziş yaya qədər imzalana bilər

Bakı/29.04.19/Turan: Azərbaycanın Avropa İttifaqı ilə ikitərəfli sazişi 2019-cu ilin yayına qədər imzalana bilər, Humanitar Araşdırmalar Cəmiyyətinin rəhbəri Əvəz Həsənov belə hesab edir.

Bakıda Avrasiya Beynəlxalq Fondunda jurnalistlərlə keçirilən görüşdə Həsənov Azərbaycan vətəndaş cəmiyyətinin və qeyri-hökumət təşkilatlarının hazırlanan, hər bir Azərbaycan vətəndaşının həyatına toxunacaq sazişə soyuq münasibətinə təəccübünü bildirib. "Siyasi partiyalar Azərbaycan və Aİ arasında gələcək sazişin müzakirəsi üçün dəyirmi masalar keçirmirlər. Amma bu sənəd qəbul edildikdə və Aİ üzvü olan 28 ölkənin hər biri tərəfindən təsdiq edildikdə ona dəyişiklik etmək qeyri-mümkün olacaq", deyə Həsənov xəbərdarlıq edib.

Hazırlanan sazişin adı bəlli deyil. Mətbuatda Azərbaycan və Aİ arasında Hərtərəfli Sazişdən, Azərbaycan və Aİ arasında Yeni Strateji Tərəfdaşlıq Sazişindən bəhs edirlər.

"Azərbaycanda siyasi islahatlar gələcək sənədlə bağlı deyil, belə ki, ölkəmizdə bu islahatlar asan, prezident fərmanı ilə qəbul edilir. Aİ bu sənədin imzalanmasının şərti kimi AR-ə siyasi dəyişikliklər tələbləri irəli sürmür. Çətinlik sənədin iqtisadi bəndlərinin həyata keçirilməsində gizlənə bilər, belə ki, Azərbaycan ÜTT üzvü deyil, baxmayaraq ki, hər il Avropanın neft idxalının 5 faizini təmin edir. Aİ Azərbaycanın ÜTT-ə qəbul edilməsini təşviq etmək niyyətindədir.

Aİ ilə yeni saziş Azərbaycanın inkişafı üçün zəruridir, ölkənin ticarət dövriyyəsinin böyük hissəsi Avropanın payına düşür, ölkəmizin ən böyük investoru da Avropadır. Azərbaycan Avropa ilə yaxınlaşaraq, səhiyyə, iqtisadiyyat, təhsil sahəsində bir çox daxili normaları və qanunvericiliyi dəyişdirəcək. Avropa vətəndaşları üçün Aİ-yə viza rejimi asanlaşacaq. Yeni Avropa investisiyaları üçün qapılar açılacaq. Avropa İttifaqının beş "Şərq Tərəfdaşlığı" ölkəsində - Azərbaycan, Gürcüstan, Ukrayna, Moldova və Belarusda dəmir yolunun inkişafına və genişləndirilməsinə 2 mlrd. avro ayırmaq niyyəti buna nümunə ola bilər.

Avropa İttifaqı ilə sazişdə Avropanın Dağlıq Qarabağ da daxil olmaqla, Azərbaycanın ərazi bütövlüyünə dəstəyi haqqında bənd olacaq, belə ki, Aİ-də bu barədə bəyanatlar qəbil edilib, deyə Həsənov əlavə edib.

Ə.Həsənov Azərbaycanlıların Gürcüstan və Ukraynanın Avropa İttifaqının assosiativ üzvü olmasından sonra bu ölkələrin torpaqlarının bir hissəsini işğal edən Rusiyanın Azərbaycan əleyhinə repressiv addımlarından ehtiyatlanmasına diqqət çəkib. "Ölkəmizin Avropa İttifaqı ilə danışıqlarının ləng getməsinin səbəbi budur. Azərbaycan Aİ-nin assosiativ üzvü olmayacaq, bunay görə Moskvanın istənilən halda Rusiyanın Qarabağ tilovunda qalan ölkəmizə qarşı aqressiv addımları gözlənilmir. Rusiya şimal sərhədində bizə problemlər yarada bilər, amma mən belə bir perspektivə inanmıram, həm də 2015-ci ildə Azərbaycan Aİ ilə Assosiativ Tərəfdaşlıq haqqında sazişi imzalamaqdan imtina edib, daha sonra "Avronest" və digər Avropa proqramlarından çıxıb, xüsusi olaraq Azərbaycan üçün hazırlanmış bəndləri olan ikitərəfli sənədə üstünlük verib. Avropa İttifaqı Bakını ölkəni qane etməyən sənədi imzalamağa məcbur edə bilməz", deyə ekspert qeyd edib.

Ə.Həsənov 28 may ərəfəsində Respublika Günü ilə əlaqədar siyasi məhbusların əvf olunacağına inanmır. -0-