Aİ missiyasının rəhbəri onun adından deyilənləri təkzib edib

Avropa İttifaqının Azərbaycandakı səfiri Malena Mard Trend agentliyinin dekabrın 15-də dərc etdiyi "Глава офиса ЕС а Азербайджане выразила отношение аресту армянского члена Бакинской миротворческой платформа" sərlövhəli məqalə ilə bağlı bəyanat yayıb.

"Aydınlıq gətirmək istərdim ki, mənim Bakı Platformasından olan heç kim barədə və ya söylənilən həbslər barədə xəbərim yoxdur. Ümumiyyətlə fikirləşirəm ki, problemli mövzulara dair belə müxtəlif qruplar arasında dialoqu təşviq etmək vacibdir, lakin mətbuat məqalələrindən başqa yeni yaradılmış bu Bakı platforması barədə heç bir xüsusi məlumatım yoxdur.

Buna görə də adı çəkilən platformanın işi barədə heç bir şərh və ya qiymətləndirmə verə bilmərəm", deyə səfirin Turan agentliyinə daxil olmuş bəyanatında bildirilir.

Xatırladaq ki, sözügedən məlumatda Malena Mardın adından deyilirdi ki, o, belə bir sülhməramlı platforma yaradılmasını əhəmiyyətli hesab edir və Qarabağda platformanın erməni üzvlərinin həbslərinin pisləyir. -02В-