Açiq mənbələrdən foto.
Bakı/10.10.22/Turan: Avropa və Ümumdünya Ölüm Cəzasına qarşı Mübarizə Günü ilə əlaqədar Avropa İttifaqı (Aİ) və Avropa Şurası (AŞ) hər zaman, hər yerdə və bütün hallarda ölüm cəzasına qeyd-şərtsiz etirazlarını qəti şəkildə təsdiq edirlər. Turan-ın Strasburqdakı xüsusi müxbirinin verdiyi məlumata görə, bu barədə iki təşkilatın 10 oktyabr tarixli birgə bəyanatında deyilir.
Bu il Avropa İnsan Hüquqları Konvensiyası çərçivəsində bütün hallarda ölüm cəzasının ləğvi haqqında 13 nömrəli Protokolunun qüvvəyə minməsinin iyirminci ildönümü qeyd olunur.
"Bütün hallarda ölüm cəzasını ləğv edən Avropa Şurasına üzv dövlətləri (o cümlədən Aİ-yə üzv dövlətləri) alqışlayırıq və Avropa Şurasının bu Protokola hələ də qoşulmayan sonuncu iki üzvünü - Ermənistanı və Azərbaycanı ləngitmədən bunu etməyə çağırırıq", deyə bəyanatda bildirilir.
Qeyd edək ki, Azərbaycanın və Ermənistanın cinayət qanunvericiliklərində ölüm cəzası ləğv olunub, amma müharibə dövrü şərtlərində onun tətbiqinə yol verilir. 16В
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz