Aİ və UNİCEF Azərbaycanda həssas gənclər qruplarına dəstək üzrə layihəni işə salır

Bakı/13.06.19/Turan: Aİ-nin Avropa Qonşuluq Siyasəti və Genişlənmə üzrə komissarı Yohannes Hahn və UNICEF-in Azərbaycan nümayəndəliyinin rəhbəri Edvard Karvardin bu gün Azərbaycanda ən həssas vəziyyətdə yaşayan uşaq və gənclərin hüquqlarını müdafiə etmək üçün yeni birgə təşəbbüs təqdim ediblər.

Bu layihəyə Aİ 3 mln. avro ayırıb, layihə səhiyyə, qidalanma, erkən uşaqlıq dövründə inkişaf (EUDİ), inklüziv təhsil, uşaqların müdafiəsi, uşaqların və gənclərin inkişafı sahəsində keyfiyyətli icma və ailə-əsaslı inteqrasiya olunmuş sosial xidmətlərə çıxış imkanlarının genişlənməsinə dəstək olacaq, bu barədə UNICEF-in press-relizində deyilir.

Təşəbbüsün açılış tədbiri Azərbaycan Milli Paralimpiya Komitəsinin dəstəyi ilə baş tutub. Tədbirdə əlilliyi olan uşaqlar öz bacarıq və istedadlarını nümayiş etdiriblər. Azərbaycanda Avropa İttifaqı ilə UNİCEF arasında həyata keçirilən yeni əməkdaşlığın mühüm hissəsini qızlara xüsusi diqqət yetirilməklə əlilliyi olan uşaqların idman sahəsinə cəlb edilməsi təşkil edir.

Komissar Hahn bildirib ki, Aİ bilavasitə icmalarda həyata keçirilən layihələri dəstəkləyir və vətəndaş cəmiyyəti institutları ilə əməkdaşlıq edir.

Karvardin öz növbəsində qeyd edib ki, layihənin məqsədi əlilliyi olan uşaqların sosial xidmətlərdən faydalanmasını genişləndirməkdən ibarətdir. Onun sözlərinə görə, təşəbbüs geniş spektri əhatə edən keyfiyyətli xidmətləri daha çox uşaq, gənc və onların ailələrinin yararlana bilməsi üçün icmaların daxilinə gətirməyə yönəlib. -06D-

Rəy yaz

Siyasət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti