Aİ xarici fəaliyyət üzrə rəsmi nümayəndəsinin Ermənistan-Azərbaycan silahlı toqquşmaları ilə əlaqədar bəyanatı
Brüssel/13.07.20/Turan: 12-13 iyul 2020-ci il tarixlərində Ermənistan və Azərbaycan onların ikitərəfli sərhədlərində ağır silahlardan istifadə ədilməklə ciddi insidentin olduğunu bildiriblər. Bu, təəssüf ki, insan ölümünə gətirib çıxarıb, Aİ-nin xarici fəaliyyət üzrə rəsmi nümayəndəsinin bəyanatında bildirilir.
Aİ hər iki tərəfi silahlı qarşıdurmaya son qoymağa, gərginliyə səbəb olan hərəkətlərdən və ritorikalardan çəkinməyə, gələcək eskalasiyanın qarşısının alınması üçün dərhal tədbirlər görməyə çağırır. Bu kontekstdə hər iki tərəf birbaşa ünsiyyət mexanizmindən, ATƏT-in Minsk Qrupu həmsədrləri və ATƏT-in fəaliyyətdə olan sədrinin şəxsi nümayəndəsi başda olmaqla müəyyən edilmiş formatdan istifadə etməlidirlər. Bu ciddi atəşkəs pozuntusu şərait imkan verən kimi yerlərdə ATƏT-in monitorinqinin yenidən başlanmasının təkidlə zəruriliyini vurğulayır.
Ai tərəfləri atəşkəs rejiminə ciddi şəkildə əməl etməyə, enerji və resursları koronavirus pandemiyası ilə mübarizəyə yönəltməyə, ATƏT-in Minsk Qrupu həmsədrlərinin himayəsi altında predmetli danışıqları bərpa etməyə və əhalini sülhə hazırlamağa çağırır, bəyanatda deyilir.-0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz