Açiq mənbələrdən foto.
Bakı/19.11.21/Turan: Bu gün Ali Məhkəmənin Plenumu 2013-cü ildə həbs edilərkən NİDA Hərəkatının üzvləri olan Zaur Qurbanlı, Rəşadət Axundov, Rəşad Həsənov və Üzeyir Məmmədlinin tam bəraət verilməsi barədə qərar qəbul edib.
Bundan əlavə, qanunsuz həbsə və azadlıqdan məhrum olunmaya görə onlara 188 min manat məbləğində pul kompensasiyası ödəniləcək.
Bu barədə Ali Məhkəmədən məlumat verilib.
Beləliklə, həmin şəxslərin barəsində Avropa İnsan Hüquqları Məhkəməsinin qərarı tam şəkildə icra edilib.
Həmin şəxslər 2013-cü ilin yazında Bakıda ordudakı hərbi itkilərə qarşı etiraz aksiyalarının təşkililə əlaqədar həbs olunmuşdular.
Onlara qarşı kütləvi iğtişaşların təşkili, hərbi sursatlarının qanunsuz dövriyyəsi, özgə əmlakına ziyan vurulması və sair ittihamlar irəli sürülmüşdü.
2014- cü ilin mayında məhkəmə Qurbanlı və Axundovu 8, Həsənovu 7,6 və Məmmədlini 7 il müddətinə azadlıqdan məhrum etmişdi.
Ancaq tezliklə onlar Azərbaycan prezidenti tərəfindən əfv olundular və bundan sonra heç bir siyasi fəallıq göstərmədilər.
Sonra Avropa İnsan Hüquqları Məhkəməsi onların həbsinin qanunsuz olduğunu tanıyıb və Avropa Konvensiyasının 18-ci maddəsi (hüquqlarla bağlı məhdudiyyətlərdən istifadənin hədləri) üzrə hüquqlarının pozulduğunu qərara alıb. Beləliklə, onların təqibində siyasi motivlər nəzərə alınıb.
Qeyd edək ki, Avropa Şurası Nazirlər Komitəsi Avropa İnsan Hüquqları Məhkəməsi tərəfindən 18 maddə üzrə hüquqlarının pozulması tanınan ərizəçilərin tam bəraət almasına israr edib.
Bundan öncə Ali Məhkəmənin Plenumu həmin kateqoriyadan olan şəxslər arasında REAL Partiyasının rəhbəri İlqar Məmmədova və Bakı İnsan Hüquqları Klubunun rəhbəri Rəsul Cəfərova bəraət qazandırıb.
Lakin Avropa Şurası Nazirlər Komitəsinin təkidli tövsiyələrinə baxmayaraq, tanınmış hüquq müdafiəçiləri İntiqam Əliyev, Anar Məmmədli, araşdırmaçı jurnalist Xədicə İsmayıl, gənc fəallar Bayram Məmmədov (vəfat edib) və Qiyas İbrahimov hələ də bəraət almayıblar. Onlar siyasi və vicdan məhbusları kimi tanınıblar.
Sözügedən şəxslərin işlərinə Ali Məhkəmənin Plenumunda baxılmamasının səbəbləri aydın deyil.—06D-
Siyasət
-
ATƏT-in Minsk Qrupu və onunla bağlı institutlar ləğv edilməlidir, bu barədə cümə günü keçirilən brifinqdə RF XİN-in rəsmi nümayəndəsi Mariya Zaxarova bildirib.
-
Biz maneəsiz əlaqənin əleyhinə deyilik, lakin bu, Ermənistanın yurisdiksiyasından yayınmaqla maneəsizlik demək deyil. Bu barədə cümə günü Ermənistanın baş naziri Nikol Paşinyan mətbuat konfransında bildirib.
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Cənubi Qafqazda Fransanın diplomatik mirasına dair kəskin müzakirə fonunda, cümə günü Bakıda beynəlxalq konfrans keçirildi və bu tədbirdə Fransanın Ermənistan-Azərbaycan münaqişəsindəki rolu qiymətləndirildi. Beynəlxalq Münasibətlərin Təhlili Mərkəzi tərəfindən təşkil edilən tədbir, Azərbaycanın uzun müddətdir Fransanın Ermənistana qarşı tarixi tərəfkeşliyindən narahatlığını vurğuladı.
Rəy yaz