Akif Çovdarov
Ali Məhkəmə müsadirə edilmiş milyonlarla manatlıq əmlakın Akif Çovdarova qaytarılması barədə qərarı ləğv edib
Bakı/25.04.23/Turan: Çərşənbə axşamı Azərbaycan Ali Məhkəməsi Milli Təhlükəsizlik Nazirliyinin keçmiş idarə rəisi, general Akif Çovdarovun və bu idarənin əməkdaşı, polkovnik Səlim Məmmədovun əmlaklarının müsadirədən azad olunması barədə Bakı Apellyasiya Məhkəməsinin qərarından Baş Prokurorluğun verdiyi kassasiya protestini təmin edib.
Xatırladaq ki, ötən ilin dekabrında Bakı Apellyasiya Məhkəməsi müsadirə edilmiş təxminən 30 milyon manatlıq –15 milyon avroya yaxın- daşınmaz əmlakın (mənzillər, malikanələr, bağ evləri, torpaq sahələri və s.) həmin şəxslərə qaytarılması barədə qərar qəbul edib.
2015-ci ildə Çovdarov və Məmmədov qanunsuz azadlıqdan məhrumetmə, mənimsəmə, hədə-qorxu ilə tələb etmə və digər ittihamlarla həbs olunublar.
Çovdarov 12 il, Məmmədov isə 11 il azadlıqdan məhrum edilib.
Prezident İlham Əliyev 2020-ci ildə Akif Çovdarovu, 2022-ci ildə isə Səlim Məmmədovu əfv edib. 03B06
Siyasət
-
Fransanın Bakıdakı səfirliyi dekabrın 26-da milli matəm günündə Azərbaycanla həmrəylik əlaməti olaraq Avropa İttifaqı və Fransa bayraqlarını endirib. Bu barədə Fransa səfirliyinin X sosial şəbəkəsindəki hesabında yer alan məlumatda bildirilir.
-
Bakı hava limanında AZAL-ın Bakı-Qroznı reysini yerinə yetirən təyyarəsinin qəzaya uğraması nəticəsində həlak olanların xatirəsinə lövhə quraşdırılıb.
-
AZAL-ın qəzaya uğrayan təyyarəsinin füzelajındakı dəliklər "Pansir-S1" raketinin zərbəsinin nəticələrinə oxşayır - xarici və Rusiya hərbi ekspertlərinin əksəriyyəti belə nəticəyə gəlir.
-
Qazaxıstanın Azərbaycandakı səfiri Alim Bayel, Aktau şəhərində sərnişin təyyarəsinin faciəli qəzası ilə əlaqədar başsağlığı ifadə edib. Qazaxıstanın Azərbaycandakı səfirliyi adından yayımladığı açıqlamada Bayel, həlak olanların ailələrinə dərin hüznlə başsağlığı verərək yaralananlara tezliklə sağalmağı arzulayıb və deyib: “Ruhları cənnətdə olsun.”
Rəy yaz