Qafqaz Müsəlmanları İdarəsinin (QMİ) sədri, şeyxülslam Allahşükür Paşazadə avqustun 30-da Şimali Qafqazda səfərdə olub. Bu barədə Turan-a QMİ-dən məlumat verilib.
A.Paşazadə öncə Çeçenistanda RF həcc missiyasının yaradılmasının 10 illiyilə bağlı icalsda iştirak edib. Çeçenistan prezidenti Ramzan Kadırov A.Paşazadəni eks-prezident Əhməd Kadırov adına medalla təltif edib. Çeçenistanın paytaxtı Qroznının küçələrindən birinin A.Paşazadənin adına verilməsi barədə qərar açıqlanıb.
Tədbirdə çıxış edən A.Paşazadə dini sahədə əsas prioritet kimi ənənəvi islamın təbliğini, gənclərlə düşünülmüş iş aparılmasını, bütün xalq təbəqələrinin terrora qarşı mübarizədə səfərbər edilməsini göstərib.
Elə həmin gün şeyxülislam A.Paşazadə Dağıstanın paytaxtı Mahaçqalaya gedib. Dağıstan prezidenti Maqomedsalam Maqomedovla görüş keçirilib. Şeyxülislam Səid Əfəndi Çirkeyskinin faciəvi qətlilə bağlı respublika rəhbərliyinə və Dağıstan xalqına bir daha başsağlığı verib. Səid Əfəndinin təkcə Dağıstanda yox, Azərbaycanda da dindarlar arasında ehtirama malik olduğunu bildirib. O, Səid Əfəndinin yolunu müridlərinin davam etdirəcəyinə ümidvar olduğunu söyləyib.
A.Paşazadə həmin gün axşam Azərbaycana qayıdıb.-05D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz