Bakı/17.10.18/Turan: Beynəlxalq Transparency International təşkilatı Bundestaqın Xristian-Demokrat İttifaqından (XDİ) deputatı Karin Ştrents (Karin Strenz) barəsində Azərbaycandan rüşvət almaq şübhəsi ilə istintaq başlamasını zəruri hesab edir.
Avropa Şurası ekspertlərinin təhqiqatı deputatı korrupsiyada şübhəli bilmək üçün kifayət qədər əsas verir, bu barədə "Alman dalğası" radiosuna Transparency İnternational-ın İdarə Heyətinin üzvü Volfqanq Vodarq (Wolfgang Wodarg) bildirib.
"Avropa Sabitlik Təşəbbüsü" təşkilatının təhqiqatı nəzərdə tutulur. "Kürü diplomatiyası" adlı yekun sənəddə Bakının AŞPA Monitorinq Komitəsinin Azərbaycanın Avropa Şurası qarşısında öhdəliklərinin yerinə yetirilməsini müşahidə edən məruzəçilərini ələ almaqla məşğul olduğunun dəlilləri göstərilirdi.
AŞPA deputatları təsdiq ediblər ki, Azərbaycan nümayəndələri çoxsaylı hədiyyələr - qara kürü, xalça, bahalı alkoqol və zərgərlik məmulatlarının köməyilə assambleya məruzəçilərinin loyallığına nail olmağa çalışırdılar.
Bu ilin aprelində təqdim edilmiş hesabatda təhqiqat müəlliflərinin fikrincə, assambleyanın reqlamentini və deputat davranışı kodeksini pozmaqda təqsirli olan onlarla AŞPA üzvünün adı göstərilib.
Onlar arasında Xristian-Sosial İttifaqdan Bundestaqın keçmiş deputatı Eduard Lintner (Eduard Lintner) də var. O, 1999-2010-cu illərdə AŞPA üzvü olub. Hesabatda onu Azərbaycanın "əsas lobbiçisi" adlandırırlar. Və göründüyü qədər, məhz o, Karin Ştrentsi Bakının xeyrinə lobbiçiliyə cəlb edib. Ötən yay Lintnerlə birlikdə ona və başqa ölkələrdən olan onlarla parlamentariyə AŞPA-nın Strasburqdakı binasına girişin ömürlük qadağan edildiyi elan edilib.
Karin Ştrents inandırır ki, Lintnerin Line M-Trade konsaltinq firmasının Azərbaycandan maliyyələşdiyini bilmirdi.
Məlum olub ki, Berlin prokurorluğu həqiqətən də Karin Ştrentsin işinə maraq göstərib, amma bundestaq deputatının korrupsiyaya uğraması barədə şübhələri təhqiqat başlatmaq üçün kifayət qədər inandırıcı hesab etməyib. Amma Bundestaqın xüsusi komissiyası bununla bağlı öz araşdırmasını aparır. -02D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz