![Amerikalı senatorlar Azərbaycanda LGBT probleminə toxunublar](https://turan.az/resized/media/2017/main/110900005492-750-500-resize.webp)
Amerikalı senatorlar Azərbaycanda LGBT probleminə toxunublar
Bakı/09.11.17/Turan: Bir qrup amerikalı senator Azərbaycanda LGBT icması üzvlərinin saxlanması ilə əlaqədar ABŞ dövlət katibinə müraciət edib.
Onlar ABŞ administrasiyasını bu məlumatları araşdırmağa və təzyiqlərlə bağlı hər hansı məlumat təsdiqlənərsə bunu pisləməyə çağırıblar.
Bu haqda Human Rights First hüquq-müdafiə təşkilatı məlumat yayıb.
Müraciətin təşəbbüskarları respublikaçı senator Pat Tommi və democrat Ron Viqendir.
Onlar regionda LGBT nümayəndələrinə təzyiqlərin artdığını qeyd edirlər. Həmçinin məktubu senatorlar Tammi Baldvin, Susan Collins, Jeffrey Merkley, Marco Rubio, Jeanne Şahin və Tom Tillis də imzalayıblar.
Məktubda ümid edilir ki, dövlət katibi Tillerson senatorların çağırışını eşidəcək və bu məsələ ilə məşğul olacaq.
Sentyabrın ortalarında Azərbaycanda 100-ə yaxın LGBT nümayəndəsi saxlanılıb. Onlar inzibati cərimələrə və həbslərə məruz qalıblar.
Polis bunu ictimai asayişin qorunması və saxlanılanların turistlərə "pullu intim xidmətlər" təklif etməsi ilə izah edib.
Bu hərəkət beynəlxalq rezonans doğurub və həbs edilənlərin çoxu buraxılıb.
Rəsmi məlumatlara görə, 56 nəfər inzibati qaydada həbs edilib. Onların 32-də yoluxucu xəstəlik aşkar edilib və onlar müalicəyə göndərilib. 24 nəfər buraxılıb.
Oktyabrın 2-də Baş Prokurorluğun yaydığı məlumata görə, həbsdə olan yoxdur.-06D-
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
Rəy yaz