Amnesty International Azərbaycanı Mərkəzi Asiya rejimləri ilə müqayisə edib
Amnesty International hüquq-müdafiə təşkilatı 2016-cı ildə dünyada insan haqlarına dair növbəti hesabatını açıqlayıb.
Azərbaycan bölməsində Tacikistan və Türkmənistan kimi, Azərbaycanda da konstitusiyaya dəyişiklik edildiyi, prezidentin səlahiyyətlərinin və fəaliyyət müddətinin artırıldığı vurğulanıb.
Azərbaycanda müxalifət fəallarına, hüquq-müdafiə təşkilatlarına və müstəqil mətbuata repressiyalar davam edib.
2016-cı ildə 12 fəal azad edilsə də çoxları, o cümlədən REAL Hərəkatının lideri İlqar Məmmədov hələ də həbsdədir.
Azadlığa buraxılan jurnalist Xədicə İsmayılova və hüquq müdafiəçisi İntiqam Əliyevin ölkədən çıxışına qadağa qoyulub.
Yerli hüquq müdafiəçilərinin hesablamalarına görə, 100-dən çox adam –gənclər, jurnalistlər siyasi baxışlarına görə həbs edilib.
Azərbaycanda mətbuatın repressiyalardan xüsusilə əziyyət çəkdiyi vurğulanıb.
Amnesty International qeyd edir ki, polis və təhlükəsizlik qüvvələri manatın devalvasiyasına qarşı etirazları susdurur. Saxlanılan və həbs edilənlər pis rəftara, işgəncələrə məruz qalıblar.
Buna nümunə kimi “Nardaran işi” üzrə ittiham olunanlar və “heykəl məhbusları” (Bayram Məmmədov və Qiyas İbrahimov) göstərilir.
Amnesty International-ın nümayəndələri Azərbaycana buraxılmayıblar.
Sənəddə İranda yaşayan azərbaycanlıların da problemlərindən danışılır. İrandakı digər etnik qruplar kimi, azərbaycanlıların da ayrı-seçkiliyə məruz qaldığı, mədəni, mülki və siyasi hüquqlardan məhrum edildiyi, öz dillərində təhsil ala bilmədikləri bildirilir.-16D06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz