Fevralın 22-də “Azərsu” ASC-nin Turan İnformasiya Agentliyinin 2016-cı il 27 iyul tarixli informasiya sorğusuna cavab verməkdən imtina etməsilə bağlı məhkəmə prosesi olmalıydı.
Lakin iddia ərizəsində iddiaçı qismində Mehman Əliyev fiziki şəxs kimi göstərildiyindən iclas baş tutmayıb. Öz növbəsində M.Əliyev öz adından çıxış etməkdən imtina edərək bildirib ki, sorğu agentliyin adından daxil olub.
Hakim yeni iddianın agentliyin adından verilməsini təklif edib ki, M.Əliyev bununla razılaşıb.
İnformasiya su qıtlığı olan Buzovnada prezident Əliyev administrasiyasının bəzi yüksək vəzifəli məmurları üçün su kəmərinin çəkilməsi barədə materialın hazırlanması ilə bağlı göndərilib.
Agentlik bu mövzuda iki məqalə yazaraq tikintinin dayandırılmasına nail olub. Ancaq sonradan su kəmərinin yarımçıq qalan hissəsi yenidən inşa edilib və kəmər işə salınıb.
http://www.contact.az/docs/2016/Want%20to%20Say/072700163605az.htm#.WK1k3_mLTs0
http://www.contact.az/docs/2016/Want%20to%20Say/081800166039az.htm#.WK1lK_mLTs0
2016-cı il oktyabrın 11-də agentlik 1 saylı İnzibati-İqtisad Məhkəməsinə müraciət edərək qanunla müəyyən edilmiş qaydada (“İnformasiya azadlığı haqqında”, “Korrupsiyaya qarşı mübarizə haqqında” qanunlar, İnzibati Xətalar Məcəlləsi, İnzibati-Prosessual Məcəllə) sorğuya cavab almaq istəyib. Ancaq məktub məhkəmədə itirilib.
2016-cı il dekabrın 5-də agentlik yenidən məhkəməyə müraciət edib. Hakim Tahirə Əsədova həmin gün İnzibati-Prosessual Məcəlləyə əsaslanaraq “Azərsu”ya məktub göndərərək şirkəti Turan agentliyinin informasiya sorğusuna cavabı məhkəməyə təqdim etməyə çağırıb.
Bir aydan sonra agentliyin direktoru Mehman Əliyev cavabın olmadığını
hakim T.Əsədovaya yazılı şəkildə xatırladıb və məhkəmə prosesinin təyin olunmasını xahiş edib.
Yanvarın 9-da T.Əsədova yenidən cavabla bağlı məktub göndərərək 5 dekabr tarixli xahişinə cavab olmadığını qeyd edib.
Və M.Əliyevin təkidilə yanvarın 25-də T.Əsədova məhkəmə iclasını fevralın 22-nə təyin edib.
Qeyd edək ki, agentliyin su sayğacları ilə bağlı “Azərsu”ya qarşı digər iddiası üzrə prosesdə hakim Şərafət Məmmədova dəqiqləşdirib ki, M.Əliyev öz adından çıxış edir, yoxsa agentliyin adından və cavabdeh kimi “Azərsu” rəhbərini görür, yoxsa şirkətin özünü?
Bundan sonra M.Əliyev dəqiqləşdirib ki, iddianı hüquqi şxəsin adından hüquqi şəxsə qarşı irəli sürür, agentlikdən müvafiq sənədlər tələb olunub və məhkəmə davam edib.
Cəmi 9 məhkəmə iclası keçirilib və qismən uğurla başa çatıb. Agentlik Apellyasiya Məhkəməsi vasitəsilə “Azərsu”dan informasiya sorğusuna tam cavab almaq istəyir.—0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz