![Anar Məmmədli qiyabi olaraq SMDT rəhbəri seçilib](https://turan.az/resized/media/2014/main/072500085266-750-500-resize.webp)
Anar Məmmədli qiyabi olaraq SMDT rəhbəri seçilib
İyulun 24-də Seçkilərin Monitorinqi və Demokratiyanın Tədrisi Mərkəzinin (SMDT) ümumi yığıncağı keçirilib və idarə heyəti üzvləri seçilib.
Həbs cəzası çəkməkdə olan SMDT sədri Anar Məmmədli yenidən SMDT sədri seçilib. Sədr müavinləri həbsdə olan Bəşir Süleymanlı və Samir Kazımlı oldu.
SMDT Azərbaycanda azad, ədalətli və şəffaf seçkilərin keçirilməsinə və vətəndaş cəmiyyətinin inkişafına şərait yaradır.
Bu QHT 1 dekabrə 2008-ci ildə elə həmin il mayın 14-də ləğv edilmiş Seçkilərin Monitorinqi Mərkəzinin bazasında təsis edilib.
Ədliyyə Nazirliyinə çoxsaylı müraciətlərə baxmayaraq, SMDT hələ də qeydiyyata alınmayıb.
2001-ci ildən başlayaraq, SMDT Azərbaycanda 12 prezident, parlament və bələdiyyə seçkilərinin və referendumların monitorinqini həyata keçirib.
SMDT ümumilikdə 13 min yerli müşahidəçi üçün 600-dən çox treninq keçirib, seçicilərin maarifləndirilməsi və fəallığının artırılması üzrə layihələr həyata keçirib.
SMDT Avropa Monitorinq Təşkilatları Şəbəkəsinin (ENEMO) və digər beynəlxalq birliklərin üzvüdür.
* Mayın 26-da SMDT rəhbəri Anar Məmmədli 5,5 il, Bəşir Süleymanlı və Könüllülərin Beynəlxalq Əməkdaşlığı İctimai Birliyinin rəhbəri Elnur Məmmədov 3,5 il müddətinə azadlıqdan məhrum edilib. Onlar vergi ödənişindən yayınma, qanunsuz sahibkarlıq, mənimsəmə və s.-də təqsirli biliniblər.
Hüquq müdafiəçilərinin fikrincə, onların cinayət təqibinin əsl səbəbi 2013-cü ilin oktyabrında Azərbaycanda prezident seçkilərinin saxtalaşdırılması haqqında rəyləridir. -06D06-
-
- Siyasət
- 25 İyul 2014 17:31
-
- İqtisadiyyat
- 25 İyul 2014 19:36
Siyasət
-
İyulun 28-də saat 17.40 radələrində Ermənistan silahlı qüvvələrinə məxsus kvadrokopter Laçın rayonu istiqamətində Azərbaycan ordusunun mövqeləri üzərində kəşfiyyat uçuşları həyata keçirməyə cəhd göstərib.
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
Rəy yaz