“Türkiyə Azərbaycanın ərazi bütövlüyünün və suverenliyinin qorunub saxlanması və davam etdirilməsi məsələsində məsuliyyətini dərk edir. Biz bu məsələdə sadiq olmaqda qətiyyətliyik”, deyə Türkiyə baş nazirinin müavini Tuğrul Türkeş bildirib.
Azərbaycanın Ankaradakı səfirliyində Respublika Gününə həsr olunmuş banketdə çıxış edən Türkeş qeyd edib ki, türk xalqı yaxşı gündə də, pis gündə də azərbaycanlı qardaşlarının yanında olub və bundan sonra da olacaq.
Türkiyənin Azərbaycanla əməkdaşlığı daha da dərinləşdirməyə hazır olduğunu qeyd edən Türkeş bildirib ki, Ankara Ermənistan və Azərbaycan SQ-nin təmas xəttində ermənilərin təxribatından sonra başlamış son gərginliklə bağlı prosesləri diqqətlə izləyib. “Biz Azərbaycan xalqına hərtərəfli dəstək göstərməyə hazırıq”, deyə baş nazirin müavini qeyd edib.
Öz növbəsində, Türkiyə prezidentinin baş müşaviri Yalçın Topçu Azərbaycan torpaqlarının Ermənistan tərəfindən işğalına dərhal son qoymağa çağırıb.
“Azərbaycan torpaqlarının qanunsuz işğalına qeyd-şərtsiz son qoyulmalıdır. Dünya ictimaiyyətini bu istiqamətdə qəti addımlar atmağa çağırıram”, deyə Anadolu agentliyi Yalçın Topçudan sitat gətirir. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz