Ankara/25.04.18/Turan: Yaxın gələcəkdə Türkiyə və Azərbaycan yeni birgə layihələr həyata keçirəcəklər. Bakı və Ankaranın prioritetlərindən biri milli valyuta ilə hesablaşmaya keçməkdir. Bu barədə çərşənbə günü Türkiyə prezidenti Rəcəb Tayyip Ərdoğan Azərbaycan prezidenti İlham Əliyevlə birgə keçirdiyi mətbuat konfransında bildirib.
R.T.Ərdoğan terrorizmə qarşı mübarizədə Türkiyənin atdığı addımların Azərbaycan tərəfindən dəstəklənməsini yüksək qiymətləndirib. "Bakı elə öncədən Afrində "Zeytun budağı" əməliyyatını dəstəklədiyini bəyan etmişdi",- o qeyd edib.
O xatırladıb ki, Türkiyə Qarabağ münaqişəsini öz problemi kimi qəbul edib. "Dağlıq Qarabağ münaqişəsi Azərbaycanın ərazi bütövlüyü və sərhədlərinin toxunulmazlığı çərçivəsində və BMT qətnamələrinə uyğun olaraq nizamlanmalıdır. Bu, Türkiyənin ən böyük arzusudur",- o vurğulayıb.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz