Apellyasiya Məhkəməsi Bağırzadəni həbsdə saxladı
Bakı Apellyasiya Məhkəməsində Abid Abdinbəyovun sədrliyi ilə daha əvvəl həbs cəzasının ev dustaqlığı ilə əvəz edilməsindən imtina olunan ilahiyyatçı Taleh Bağırzadənin şikayətinə baxılıb.
Məhkəmə ilahiyyatçının şikayətini təmin etməyib və onu həbsdə saxlayıb. Bu barədə Turan-a vəkil Cavad Cavadlı bildirib.
Onun sözlərinə görə, Bağırzadə barəsində istintaq prosessual normaların və təqsirləndirilən şəxsin hüquqlarının kobud şəkildə pozulması ilə həyata keçirilir. Bundan başqa, məhkəmə Bağırzadənin işgəncə haqqında şikayətinə baxılmasını ləngidir.
Belə ki, Bağırzadənin şikayəti aylarca Sabunçu rayon məhkəməsində saxlanılıb, daha sonra Nərimanov rayon məhkəməsinə göndərilib. Bu müddət ərzində Bağırzadənin xəsarət yerləri sağalıb və işgəncə izləri yox olub.
Vəkil Avropa İnsan hüquqları Məhkəməsinə Bağırzadənin qanunsuz həbsi ilə bağlı şikayət vermək niyyətində olduğunu bildirib.
* Taleh Bağırzadə və Anar Məlikov (ilahiyyatçının sürücüsü) martın 31-də saxlanılıb. Onlar heroin və silah saxlamaqda ittiham ediliblər. Lakin həbsin əsl səbəbi Bağırzadənin hökumətin ünvanına açıq-aşkar tənqid səsləndirməsi olub. -06C-
-
- Mədəniyyət
- 13 May 2013 17:46
-
- Cəmiyyət
- 13 May 2013 19:03
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz