Apellyasiya Məhkəməsi MSK-nın Ə.Orucun seçkilərə buraxılmaması haqqında qərarını qüvvədə saxlayıb

Bu gün Bakı Apellyasiya Məhkəməsi MSK-nın Azadlıq Partiyasının rəhbəri Əhməd Orucun prezidentliyə namizəd kimi qeydiyyatında imtina haqqında qərarını qüvvədə saxlayıb.

Bu qərar Orucun xeyrinə verilmiş, MSK tərəfindən saxta hesab olunmuş seçici imzalarının təkrar ekspertizasının nəticələri əsasında qəbul edilib.

Apellyasiya Məhkəməsi Ali Məhkəmə işi geri qaytardıqdan sonra Orucun şikayətinə təkrarən baxıb.

Orucun hüquqlarını müdafiə edən Hüquq və İnkişaf Mərkəzinin rəhbəri Hafiz Həsənov AM-nin qərarının əsassız olduğunu bildirib.

“Təkrar ekspertiza hələ dünən təyin edilib. Bir gündən də az bir vaxtda 7,5 min imzanı yenidən araşdırmaq olmaz. Həm də ekspertizanı müstəqil orqan deyil, Ədliyyə Nazirliyinin Ekspertiza Mərkəzi həyata keçirib. Ekspertlərin bu imzaları hansı metodologiya əsasında saxta qəbul etdikləri aydın deyil”, deyə Həsənov bildirib.

Xatırladaq ki, Orucun təqdim etdiyi 43413 imzadan 7 578-ni saxta qəbul edib. -06B-