Apellyasiya Məhkəməsi Nərgiz Absalamovanı həbsdə saxlayıb
Apellyasiya Məhkəməsi Nərgiz Absalamovanı həbsdə saxlayıb
Bakı/11.12.23/Turan: Bakı Apellyasiya Məhkəməsi “Abzas Media” İnternet nəşrinin əməkdaşı Nərgiz Absalamovanın həbsindən şikayəti təmin etməyib.
Jurnalistin vəkili Şəhla Hümbətova bildirib ki, şikayətə dekabrın 9-da baxılıb. İstintaq jurnalistin istintaq müddətində həbsdə saxlanılmasına tərəfdar olub.
"Biz soruşduq ki, Absalamovanın “Absas Media”nın ofisində aşkar edilmiş 40 min avro ilə nə əlaqəsi var? Ancaq istintaq nümayəndələri jurnalistin bu pulla əlaqəsini təsdiqləyən heç bir dəlil, fakt, sübut təqdim edə bilmədilər. Ümumiyyətlə, iş üzrə Absalamovanın "qaçaqmalçılıqda" əli olmasına dair heç bir fakt, sübut və ya şübhə yoxdur, Hümbətova qeyd edib.
Hətta belə bir dəlil olsa belə, təqsirləndirilən şəxsi həbsdə saxlamaq mütləq deyil. "Digər qətimkan tədbirləri var-bir yerə çıxmamaq haqda iltizam almaq, polisin nəzarətinə vermək, ev dustaqlığı. Müttəhimin tutulması üçün istintaqdan gizlənə biləcəyi barədə əsaslı mülahizələr olmalıdır. Müstəntiq bunu faktlarla əsaslandırmalı və əsassız iddialar irəli sürməməlidir", - vəkil deyib.
"Əgər o, istintaqdan gizlənmək niyyətində olsaydı, dindirilməyə getməzdi. Onu “Abzas Media” ya qarşı cinayət işinin açılmasından 10 gün sonra saxlayıblar və bu müddətdə gizlənmək üçün kifayət qədər vaxtı olub, lakin o bunu etməyib", - Hümbətova vurğulayıb.
Lakin məhkəmə müdafiə tərəfinin dəlillərini nəzərə almayıb və şikayəti təmin etməyib.
“Abzas Media”nın direktoru Ülvi Həsənli, onun müavini Məhəmməd Kekalov, nəşrin baş redaktoru Sevinc Vaqifqızı və reportyor Nərgiz Absalamova qaçaqmalçılıq ittihamı ilə həbs olunublar. Onlar ittihamları rədd edirlər və həbslərin korrupsiya faktlarının nəşrinə dair araşdırmalarla əlaqəli olduğunu bildirirlər. Hüquq müdafiəçiləri onları siyasi məhbus kimi tanıyıblar. Beynəlxalq təşkilatlar nəşrin əməkdaşlarını azad etməyə çağırıblar. – 06B-
-
- Cəmiyyət
- 11 Dekabr 2023 14:45
-
- Mədəniyyət
- 11 Dekabr 2023 15:51
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz