Həyat qısa sənət isə əbədidir. Əbədi olan sənəti Azərbaycanda yaratmağın bir çox çətinlikləri var. Sənətçi və ya sənətkar kimdir?Azərbaycanda sənətçi olmaq necə bir hissdir? Bu sualların cavabı daima yerli sənətçilərimizi düşündürüb. Noyabr və dekabr aylarında nümayiş olunan “Azərbaycanda sənətçi olmaq nə deməkdir?” Sənədli tamaşada bu suallar araşdırılıb və cavab tapmağa çalışıblar. Sənədli tamaşada yerli müstəqil sənətçilərin üzləşdiyi çətinliklər və hazırda olan incəsənət mühiti göstərilib. Tamaşa sonuncu dəfə dekabrın 3-də Salaam Cinema-da nümayiş edilib. Tamaşada vurğulanan əsas mövzular hazırda müstəqil incəsənətin olmaması, sənətçilərin maddi çətinliklərlə üzləşməsi, incəsənət təhsili verilən ali təhsil müəsisələrində olan boşluqlar və sənətçilərə qarşı cəmiyyətdə olan neqativ yanaşmalar vurğulanıb. Tamaşanın ən diqqət çəkən xüsusiyyəti isə tamaşada multi-media elementlərindən istifadə olunmasıdır.
Nümayiş zamanı izləyicilərin tamaşanın bir parçası olması da ənənəvi tamaşadan fərqləndirən əsas xüsusiyyətlərindən biridir. İzləyicilərin tamaşa ilə bağlı təəssüratları isə müxtəlifdir.
Tamaşaya artıq ikinci dəfə gələn sənədli film rejissoru və fotoqrafiya ilə məşğul olan Aynur Kazımova artıq eyni tamaşaya ikinci dəfədir gəlir.
“Mən Türkiyədə oxuyarkən tamaşalara hər həftə mütləq gedirdim. Azərbaycanda da getməyə çalışdım. Amma gördüm ki, bu tam da mənim ürəyimcə deyil. Çox pafoslu olduğu üçün məni cəlb etməyib”.
Aynurun sözlərinə görə bu tamaşada yerli incəsəntdə olan problemlərin hamısına bir-bir toxunulub. Məsələn maddi problemlər, səslərinin susdurulmasına, bu peşənin hər kəs tərəfindən qəbul olunmamasına və s. toxunulub.
“Necə deyərlər, adamın ürəyindən xəbər veriblər. İnsanlara belə tamaşalara gəlməyi tövsiyə edirəm. Onlar da görsünlər ki, sənətçilər hansı şəraitdə işləyir”.
Aynur aktyor və aktrisaların da rollarını çox gözəl oynadıqıqlarını vurğulayıb. Onun sözlərinə görə hər şey tam təbii olub.
Art terapevt Aygün Əfəndi bu tamaşaya aynur Zərintacın dəvəti ilə ilk dəfə gəlib. O, tamaşaya iki qızı ilə birlikdə gəlib.
“Tamaşa ilə bağlı təəsüratlarım çox özəldir. Arzu edirəm ki, bu komandanın yaratdığı böyük işlər nə zamansa bu ölkədə eşidilər və dəyərləndirilər”
Tamaşada bir sənətçi kimi Aygün özünün də əziyyət çəkdiyi problemi görüb təsirlənib. Onun sözlərinə görə Azərbaycanda incəsənətin dəyərləndirilməməsi ona ən çox təsir edən məqamlardan biridir.
“Hər şey daha yaxşı olacaq. Mən buna inanıram. Aynur və buradakı istedalı sənətçilər bir gün layiq olduğu dəyəri görəcək”.
Nərgiz Abbasova
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz