Bakı/25.06.19/Turan: "1 Mart" işi üzrə təqsirli bilinən Robert Koçaryan həbs ediləcək. Bu qərarı çərşənbə axşamı Ermənistanın Apellyasiya Məhkəməsinin hakimi Armen Danielyan açıqlayıb.
Bununla o, prokurorluğun və zərərçəkmiş tərəfin Yerevan məhkəməsinin Qarabağ liderlərinin şəxsi təminatı ilə azad edilməsi haqqında qərarından verdikləri şikayəti təmin edib. Prokurorluq birinci instansiya məhkəməsinin qərarını ləğv etməyi və Koçaryanı yenidən həbs etməyi xahiş edib.
Xatırladaq ki, mayın 18-də Koçaryan həbsdən azad edilib.
Koçaryan 1 mart 2008-ci il tarixində hakimiyyəti qəsb etməkdə və konstitusiya quruluşunu devirməkdə ittiham olunur. Həmin vaxt onun əmri ilə ordu və polis etirazçıları dağıdıb, bu zaman 10 nümayişçini öldürüb. -02D-
Siyasət
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
-
ABŞ-ın seçilmiş prezidenti Donald Tramp öz komandasına yanvarın 20-də keçiriləcək inaqurasiyasından sonra Rusiya prezidenti Vladimir Putinlə telefon danışığı təşkil etməyi tapşırıb. Bu barədə CNN məsələ ilə tanış mənbələrə istinadən xəbər verib.
-
O dəhşətli gecədən 35 il keçdi, 19 yanvar - 20 Yanvar 1990-cı ildə sovet rəhbərliyinin əmrlərinə əməl edərək 35.000 nəfərlik ordu korpusu zorla Bakıya girdi. Bu təcavüzkar hərəkət mülki əhali arasında çoxsaylı itkilərə səbəb oldu və Azərbaycanın müstəqilliyi uğrunda mübarizədə faciəli bir fəsil oldu. Sovet ordusunun Bakıya işğalı artan milli azadlıq hərəkatını yatırmaq, xüsusən də 1990-cı ilin martına təyin olunmuş qarşıdan gələn parlament seçkilərini pozmaq məqsədi ilə təşkil edildi.
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
Rəy yaz