ARDNŞ DESPA şirkətinin alınması ilə bağlı səhmlərin araşdırılmasına münasibət bildirib
Azərbaycan Dövlət Şirkəti (ARDNŞ) tərəfindən Yunanıstanın Qaz Nəqli Sisteminin Operatoru olan DESFA şirkətinin səhmlərinin 66%-nin alınması barədə Avropa Birliyi antiinhisar orqanlarına, alqı-satqı prosesinin rəsmiləşdirilməsi məqsədi ilə göndərilmiş sonuncu bildiriş kontekstində, daha dərin araşdırmaların aparılması üçün Avropa Komissiyası tərəfindən II Mərhələnin açılışı müəyyən edilib. Bu barədə ARDNŞ-nin mətbuat xidməti məlumat yayıb.
Xəbərdə deyilir ki, II Mərhələdə aparılan araşdırmalar, adətən, 90 iş günü ərzində həyata keçirilir. Yekun qərarın 2015-ci ilin birinci yarısında veriləcəyi gözlənilir.
ARDNŞ Avropa Komissiyasının müvafiq xidmətləri tərəfindən bu prosesə sərf edilmiş və ediləcək zaman, səy və resursları yüksək qiymətləndirir və qısa müddət ərzində bu prosesin başa çatdırılması üçün Komissiya ilə konstruktiv əməkdaşlığı davam etdirəcəyini bildirir.
DPA agentliyi isə bildirir ki, Avropa Komissiyası Azərbaycanın SOCAR neft şirkətinin Yunanıstanın DESFA qaz-nəqliyyat şirkətinin payını alması şərtlərini öyrənir.
Belə ki, Avropa Komissiyası DESFA-nın hissələrinin satışının qanuniliyini şübhə altına alıb. Noyabrın 5-də Aİ antiinhisar qurumu bildirib ki, sövdələşmə ilə bağlı müvafiq yoxlamalar başlayıb. Avropalı məmurlar ehtiyat edirlər ki, Yunanıstanın qaz bazarında rəqabət azala bilər. Qurum 2015-ci il martın sonlarında qərar qəbul etməlidir, dpa agentliyi bildirib.
Xatırladaq ki, SOCAR DESFA şirkətinin üçdə iki hissəsini 400 milyon avroya almaq niyyətindədir. Sövdələşmə 3500 kilometrlik Transadriatik qaz kəmərinin inşası layihəsi ilə bağlıdır. -03D-
-
- Siyasət
- 6 Noyabr 2014 16:19
Siyasət
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
Rəy yaz