ATƏT-in fəaliyyətdə olan sədri, Ukrayna XİN rəhbəri Leonid Kojara cümə günü ATƏT üzvləri arasında konsensus əsasında ATƏT-in Azərbaycan missiyasının gələcək mandatına dair əldə olunmuş qərarı alqışlayıb.
“ATƏT-in Bakıda layihələrin koordinatoru mandatının təsdiqlənməsi ATƏT və Azərbaycan arasında bu təşkilatın prinsip və öhdəliklərinin reallaşması istiqamətində əməkdaşlığın davam etdirilməsində mühüm addımdır”, - iyulun 26-da axşam yayılan məlumatda Kojaranın sözlərindən sitat gətirilir.
Kojaranın fikrincə, bu qərar bu məsələdə gələcək irəliləyişin əldə olunması ilə bağlı Azərbaycan hökumətinin istəyinə müsbət cavabdır.
Missiyanın yeni mandatı 2014-cü il yanvarın 1-dən qüvvəyə minəcək. Layihələrin koordinatoru ATƏT-in Bakı ofisinin yerinə yetirdiyi mühüm işə əsaslanacaq.
ATƏT-in Bakı missiyasının gələcək fəaliyyətinin konkrtet nədən ibarət olacağı hələlik məlum deyil.
Bu ilin yazında rəsmi Bakı ATƏT-in Bakı ofisinin statusunun dəyişdirilməsini və onu monitorinqlərin həyata keçirilməsi üzrə funksiyadan məhrum edərək fəaliyyətinin layihələrin koordinatoruna qədər endirilməsini təklif edib.–06В--
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz