Mətbuat-Monitorinq 27.07.13

Rəsmi və iqtidaryönlü qəzetlər dövlət başçısı İlham Əliyevin Avropa İttifaqının Cənubi Qafqaz üzrə xüsusi nümayəndəsi Filip Lefortu qəbul etməsi haqda yazırlar. Bundan əlavə, bu qəzetlərdə Heydər Əliyev adına Neft Emalı Zavodunun bir qrup əməkdaşının dövlət mükafatları ilə təltif olunması, Ağdaş rayonunun sosial inkişafı üçün 4 milyon manat vəsaitin ayrılması haqda sərəncamın mətni  yer alıb.

Bu qəzetlər müxalifət qüvvələrinin birliyi olan Milli Şura və onun rəhbərliyi barəsində iftira və yalan məzmunlu yazılar yerləşdiriblər.

“Azadlıq” qəzeti dövlət başçısı İlham Əliyevin ölkədə olan əcnəbiləri prezident seçkilərinə qədər ölkədən çıxarmaq istədiyini manjetə çıxarıb. 

Kolumbiya Universitetinin “Columbia Journalizm Ruviev” jurnalı jurnalist Xədicə İsmayılın ətrafında baş verən hadisələr barəsində geniş məqalə dərc edib. 

Milli Şuranın üzvü Vidadi Mirkamal deputat Mehriban Əliyevanın prezidentliyə namizədliyinin iərli sürülməsini “nəbz yoxlaması” kimi dəyərləndirib. 

İslam Partiyası Baş Məclisinin sədri Natiq Kərimov partiyanın Milli Şuradan çıxacağı haqda bəyanatlara “sona kimi Şurada qalacağıq” cavabını verib. 

Siyasi müxaliflərə görə, Milli Şuranın prezidentliyə vahid namizədi Rüstəm İbrahimbəyovun namizədliyi qeydə alınmasa “ölkədə siyasi situasiyanı dəyişdirə bilər”. 

Politoloq Vəfa Quluzadə RF prezidenti Putinin Azərbaycana gözlənilən səfərinə “bu gəliş Azərbaycana yaxşı heç nə vəd etmir” şərhini verib.   

Naxçıvanın rəhbəri Vasif Talıbovun jurnalistlərə tənqiddən çəkinməmələri çağırışını bəzi qələm sahibləri “publika üçün deyilən ifadə” adlandırıblar. 

I qrup üzrə 19 min nəfərə yaxın və ya bu ixtisas üzrə abituriyentin 53%-nin 0-100 bal arası nəticə göstərməsini qəzet “biabırçılıq” sayıb. 

“Ekspress” ATƏT-in Bakı ofisinin statusunun dəyişdiyini, mandatı çərçivəsində yalnız layihələri əlaqələndirəcəyini ilk səhifəyə çıxarıb. 

Ötən 6 ayda paytaxtda 5053 cinayət qeydə alınıb və 32 qrup zərərsizləşdirilib. 

“Exo” qəzetinə şərh verən ekspertlər dəhşətli ağrıları kəsmək üçün preparatların olmamasının da sui-qəsd sayını artırmasını önə çəkib. 

“Novoe Vremya”  yazır ki, ekspertlər rəsmi Vaşinqtonun Dağlıq Qarabağa humanitar yardım ayırmasını “ədalət böhranı” adlandırıblar. 

Qəzet ayrı-ayrı faktlar gətirməklə ölkədə dinin belə siyasiləşdiyini yazaraq situasiyaya “din iqtidarın xidmətində” şərhini verir. 

“Bizim yol”. Goranboy rayon icra başçısı onu hakimiyyətə gətirən qrupa “atdığı” üçün tənqidə məruz qoyulur.  

Neftçala rayon sakini rayon rəhbərliyindən mərkəzi hakimiyyətə şikayət etdiyi üçün şərlənərək həbsə alınmaq təhlükəsilə üz-üzə qalıb.  

“Yeni Müsavat” iqtisadi böhranın yıxdığı Bolqarıstanda Azərbaycan oliqarxlarının daşınmaz əmlak almalarını “ortaq büdcədən oğurlanan pulların “yuyulması”” adlandırır.