![ATƏT PA rəhbəri Mehman Hüseynova qarşı cinayət işinə xitam verilməsini alqışlayır](https://turan.az/resized/750/500/resize/media/2019/main/012200016345.jpg)
ATƏT PA rəhbəri Mehman Hüseynova qarşı cinayət işinə xitam verilməsini alqışlayır
Kopenhagen/23.01.19/Turan: ATƏT Parlament Assambleyasının prezidenti Georgi Sereteli (Gürcüstan) bloger Mehman Hüseynova qarşı cinayət işinə xitam verilməsini alqışlayıb.
"Şadam ki, cənab Hüseynova qarşı yeni ittihamlar götürülüb və o, martın əvvəlində azadlığa çıxa bilər", - G.Sereteli bildirib.
"Bir il öncə həbsxanada cənab Hüseynova baş çəkərkən ümid edirdim ki, o, tezliklə azadlığa çıxacaq. Odur ki, dekabrda ona qarşı yeni ittihamın irəli sürülməsi dərin narahatlığa səbəb olmuşdu və şadam ki, bu cinayət işinə xitam verildi.
Mən işin gedişini diqqətlə izləyirdm və parlament üzrə həmkarlarım ilə, prezident Əliyev də daxil olmaq, Azərbaycan hakimiyyət nümayəndələri ilə söhbətlər zamanı müntəzəm olaraq bu məsələni qaldırırdım. Şadam ki, o, bu işə şəxsən diqqət ayırdı".
G.Sereteli əlavə edib ki, Azərbaycanda demokratik islahatlar, xüsusilə də KİV azadlığı və vətəndaş cəmiyyətinin dəstəklənməsinə yönələn şəraitin yaradılması davam etdirilməlidir.
Ötən həftə ATƏT PA-nın İnsan Hüquqları Komitəsinin sədri Marqareta Koner Nellen M.Hüseynovun işilə bağlı narahatlığını bildirib və ATƏT-in KİV azadlığı məsələləri üzrə nümayəndəsi Arlem Dezirin M.Hüseynova qarşı yeni cinayət ittihamının götürülməsilə bağlı hakimiyyətə çağırışını təkrarlayıb. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz