Media-icmal 23.01.19

Neft-qaz sənayesində kadrların milliləşdirilməsi proqramının icrası, paytaxt parkinqlərində bahalaşma gözləntisi, halal markası ilə satışa çıxan məhsulların standartlara uyğun olub- olmaması və s. məsələlər bugünkü (23 yanvar, 2018-ci il) medianın aparıcı mövzularındandır.

Neft-qaz sənayesində milliləşdirmə proqramının icrası

"Azərbaycan" qəzeti "Neft sektorunda milliləşdirmə proqramının müəyyən etdiyi hədəfə nail olunub" sərlövhəli məqalədə Milliləşdirmə Proqramının icrasını dəyərləndirir.

Müəllif deyir ki, 2013-cü ildə Azərbaycanın neft-qaz sənayesində Milliləşdirmə Proqramı qəbul edilib, sənədə əsasən bu sahədə işçi heyətin milliləşdirilməsi, bilik, bacarıq və səriştəlilik bazasının yaradılması prioritet müəyyən edilib və ötən müddətdə uğurlu nəticələr əldə olunub.

Müəllifin deməsinə görə, ölkədə beynəlxalq neft-qaz layihələri icrasının ilk mərhələsində işçilərin cəmi 10 faizi Azərbaycan vətəndaşları, 90 faizi isə əcnəbilər olub: "... indi artıq Azərbaycanda fəaliyyət göstərən xarici şirkətlərin işçilərinin 90 faizi Azərbaycan vətəndaşlarıdır".

Yazıda deyilir ki, bu nisbətin dəyişməsi 2013-cü ildə SOCAR (Azərbaycan Respublikası Dövlət Neft Şirkəti) ilə Azərbaycanda həyata keçirilən ən iri neft-qaz və ixrac layihələrinin operatoru BP arasında imzalanmış "Milliləşdirmə sahəsində əməkdaşlığa dair" protokol olub.

Müəllifin deməsinə görə, proqramın 5 illiyi ilə bağlı bu yaxınlarda keçirilmiş tədbirdə SOCAR bildirib ki, neft-qaz şirkətlərində milliləşdirmə öhdəliklərinin yerinə yetirilməsi göstəriciləri yüksəkdir: "Belə bir fakt səsləndirilib ki, BP- Azərbaycan şirkətində 2005-ci ildə milliləşdirilmiş işçilər 58 faiz, 2013-cü ildə 77 faiz, 2017-ci ildə 89 faiz olub. 2018-ci ilin sonuna isə 90 faiz təşkil edib".

Məqalədə vurğulanır ki, BP-nin yaydığı məlumatda 2018-ci ilin üçüncü rübünün sonuna şirkətin işçiləri olan Azərbaycan vətəndaşlarının sayı 2557 nəfər olub.

Müəllif xatırladır ki, son vaxtlar ən irimiqyaslı işlər "Şahdəniz" yatağının işlənməsinin ikinci mərhələsi çərçivəsində və "Cənub" qaz dəhlizinin tərkib hissəsi Cənubi Qafqaz Boru Kəmərinin (CQBK) genişləndirilməsi sahələrində aparılıb, tikintinin ən qızğın vaxtlarında ölkədə 24 min nəfərdən çox insan bütün əsas müqavilələr üzrə işlərə cəlb olunub ki, onların da çoxu Azərbaycan vətəndaşları olub.

Sonda isə müəllif bildirir: "Bütün bunlar ölkəmizin neft-qaz sektorunda yaxın gələcəkdə daha çox yerli kadrların - mütəxəssislərin, rəhbər işçilərin, ixtisaslı fəhlə və texniklərin çalışacağından xəbər verir".

Parkinqlərdə bahalaşma gözlənilir

"Modern.az"da isə "Parkinqlərdən yığılan pullar qanunsuzdur - Agentlik rəhbərindən ittiham" sərlövhəli məqalə diqqət cəlb edir.

Yazı müəllifi Bakı Nəqliyyat Agentliyi (BNA) rəhbəri Vüsal Kərimliyə istinadən paytaxt Bakıda parkinqlərin vəziyyətini və tələblərə nə dərəcədə cavab verməsini dəyərləndirir.

Müəllifin deməsinə görə, V.Kərimli bildirib ki, Bakı Nəqliyyat Agentliyi tərəfindən aparılan araşdırılmalarda şəhər mərkəzində 10 minə yaxın yerüstü parkinq müəyyən edilib, bundan ancaq 480 yerüstü parkinq rəsmiləşdirilib.

Yazıda deyilir ki, digər parkinqlərin rəsmiləsdirmələri üçün Bakı Şəhər İcra Hakimiyyəti və Dövlət Yol Polisi İdarəsilə danışıqlar aparılır.

Bakı Nəqliyyat Agentliyinin rəhbəri bunu da vurğulayıb ki, hələlik parkinqlərdə qiymətlər müəyyən olunmayıb, amma Agentlik Nazirlər Kabinetinə bununla bağlı təkliflər verilib.

Müəllif deyir ki, burada aydın olan budur ki, Bakınin mərkəzindəki parkinqlərlə şəhər kənarındakı parkinqlərdə qiymətlər eyni olmayacaq.

"Eyni zamanda, gecə saatlarında parkinqlərin ödənişsiz olması nəzərdə tutulur, gündüz saatlarında avtomobillərin parkinqlərdə saxlanmaları 2 saatı keçdikdən sonra ödənişli olacaq. Hələlik, yeraltı parkinqlərin də təhvil-təslimi davam edir, təbii olaraq qiymətlərə də baxılacaq", - V.Kərimli bildirib.

Müəllif deyir ki, V.Kərimli əvvəlki qurumun müəyyən etdiyi qiymətləri saxlaya bilməyəcəklərini də nəzərə çatdırıb: "Bəziləri sosial şəbəkələrdə bildirir ki, parkinq qiymətləri bahalaşıb. Hələlik qiymətlər təsdiqlənməyib, amma 1 aya avtomobil üçün 30 manatlıq ödəniş iqtisadi cəhətdən olduqca səmərəsizdir", -BNA rəhbəri mövqeyini ifadə edib.

Məqalədə deyilir ki, V. Kərimli hazırda Bakıda yerüstü parklanmalardan yığılan pulların Bakı Nəqliyyat Agentliyinə heç bir aidiyyəti olmamasını, həmin parkalanmalardan yığılan pulların qeyri-qanuni olmasını da nəzərə çatdırıb: "Bundan bizim xəbərimiz yoxdur. Biz, Nazirlər Kabineti parkinq qiymətlərini təstiqləyəndən sonra yeni qiymətlər tətbiq edərək parklanmalara nəzarət edəcəyik", V.Kərimli belə deyib.

Xatırladaq ki, dövlət başçısı İlham Əliyevin 2018-ci il iyulun 6-da imzaladığı Fərmanla Bakı şəhərinin inzibati ərazisində, parkinqlər, habelə parklanma, dayanma və durmanın qadağan edildiyi yerlərdə inzibati xəta törədilməsinə görə elektron protokolların tərtib edilməsi məqsədilə foto və ya video qeydiyyat funksiyalarına malik xüsusi texniki vasitələrin quraşdırılması Bakı Nəqliyyat Agentliyinə (BNA) həvalə edilib.

Halallığa cavab verməyən "halal"

"Marja.az"da isə "Azərbaycan bazarında "Halal" markası ilə satışa çıxarılan qida məhsullarının böyük əksəriyyəti normalara cavab vermir" sərlövhəli məqalə oxumaq olar.

Müəllif ölkə bazarında "halal" markası ilə satışa çıxarılan məhsulların bu standartlara uyğun olub-olmamasını Azad İstehlakçılar İttifaqının rəhbəri Eyyub Hüseynovla müzakirə edir.

Müəllifin deməsinə görə, Azad İstehlakçılar Birlyinin (AİB) rəhbəri Eyyub Hüseynov iddia edir ki, halal adı ilə satışa çıxarılan məhsulların böyük çoxluğu həmin standartlara cavab vermir.

Müəllif deyir ki, E.Hüseynovun daha bir iddiasına görə, çox sayda "halal" etiketləri bu standartlara uyğun olmasa da uzun müddət ancaq əlavə səmərə əldə etmək vasitəsi olması üçün verilib: "Biz daim "Halal Consumer" beynəlxalq təşkilatı ilə əlaqədəyik və "Halal dünya" konfransının iştirakçısıyıq. Təəssüf ki, Azərbaycanda halal məhsul sahəsində problem açıq qalmaqdadır".

Aİİ rəhbəri deyir ki, bundan başqa "halal" adı verilən məhsullar Ukraynadan da idxal olur və bu da öz növbəsində bu məhsulların təyinata uyğunluğuna şübhə oyadır.

E.Hüseynova görə, bir çox fast-fud restoranları da təqdim etdikləri qidaların "halal" olduğunu deyirlər, amma əslində heç də bu qidalar halal deyil.

E.Hüseynov rəhbəri olduğu Azad İstehlakçılar İttifaqının araşdırmalarına əsasən əlavə edib ki, ölkə bazarında təqdim olunan "halal" markalı məhsulların 90 faizi həmin normalara cavab vermir.

Aİİ rəhbəri deyir ki, Azad İstehlakçılar İttifaqı "halal" markası alınarkən mənfi faktların aradan qaldırılması üçün iş aparır, çalışır ki, bu proses şəffaf olsun və bu məhsul markanın tələblərinə cavab versin.

E.Hüseynovun deməsinə görə, halal məhsul ekoloji cəhətdən təmiz məhsul hesab olunur və dünyanın bir çox ölkələrində buna böyük əhəmiyyət verilir.

Rəy yaz

Cəmiyyət

Berlin görüşü, Prezidentin mesajları, Qərbin addımları – Azər Qasımlı Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti