Avropa İnsan Hüquqları Məhkəməsi Ermənistan və Azərbaycan prezidentlərinin üzərinə qaçqınlara təzminat ödəmək öhdəliyi qoyub
Bakı/12.12.17/Turan: Dekabrın 12-də Avropa İnsan Hüquqları Məhkəməsi Ermənistandan Azərbaycanlı qaçqınların (Çıraqov və başqaları) habelə Azərbaycandan erməni qaçqın Sarkisyanın şikayətləri üzrə qərar çıxarıb.
Avropa Məhkəməsi Azərbaycanın Laçın rayonunun sakinləri Çıraqov, Cəbrayılov, Həsənov, Paşayev və digər iki şəxsin hüquqlarının pozulduğu qənaətinə gəlib.
İddiaçılar 1992-ci ildə mülkiyyətlərinin ermənilər tərəfindən ələ keçirildiyini, bundan sonra vətənlərinə qayıda bilmədiklərini bildiriblər.
Ermənistan hakimiyyəti təqsirli bilinib və üzərinə hər bir iddiaçı mənəvi ziyana görə 5 min avro və bütün iddiaçılara ümumi xərclərə görə 28,642 funt sterlinq ödəmək öhdəliyi qoyulub.
Eyni zamanda, məhkəmə qeyd edir ki, hazırda maddi ziyanı hesablamaq mümkün görünmür.
Avropa Məhkəməsi elə bu gün ailəsi 1992-ci ildə Qarabağ münaqişəsi zamanı Gülüstan kəndindən qaçmaq məcburiyyətində qalan ərizəçi Sarkisyan barəsində də, demək olar ki, eyni qərar çıxarıb.
Məhkəmə Azərbaycan hakimiyyətinin Sarkisyanın ailəsinə mənəvi ziyana görə 5 min avro və ümumi xərclər üçün 30 min avro ödəməli olduğu barədə qərar verib. -02D-
-
- İqtisadiyyat
- 12 Dekabr 2017 16:14
-
- İqtisadiyyat
- 12 Dekabr 2017 16:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz