İyulun 25-də Avropa İttifaqının Şurası Yunanıstanın keçmiş xarici işlər naziri və Avropa Parlamentinin keçmiş vitse-prezidenti Stavros Lambrinidisi Aİ-in yeni insan hüquqları üzrə xüsusi nümayəndəsi vəzifəsinə təyin edib.
Brüsseldə onu təqdim edən Aİ-nin xarici işlər üzrə Ali nümayəndəsi Ketrin Eşton bildirib ki, insan hüquqları üzrə xüsusi nümayəndənin vəzifəsi hüquq müdafiə fəaliyyətinin gücləndirilməsindən və Avropa İttifaqının hüquq müdafiə siyasətinin səmərəliliyinin artırılmasından ibarət olacaq. Vəziyyətlərə uyğunlaşmaq üçün ona geniş və elastik mandat verilib.
Stavros Lambrinidis sentyabrın 1-dən vəzifəsinə başlayacaq. Onun ilk mandatı təxminən iki il – 2014-cü ilin iyununa qədər davam edəcək. -02D-
Siyasət
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
Rəy yaz