Avropa İttifaqının xüsusi nümayəndəsi Avropa İttifaqı müşahidə missiyasının məlumatını alqışlayır
Avropa İttifaqının xüsusi nümayəndəsi Avropa İttifaqı müşahidə missiyasının məlumatını alqışlayır
Avropa İttifaqının Cənubi Qafqaz üzrə xüsusi nümayəndəsi Toyvo Klaar Ermənistan- Azərbaycan sərhədində "qeyri-adi" hərbi fəallığın olmaması barədə Avropa İttifaqı monitorinq missiyasının (EUmA) məlumatını alqışlayıb.
“Avropa İttifaqının monitorinq missiyasından qeyri-adi hərbi yerdəyişmələrin olmaması barədə təsdiq almaq yaxşıdır. Missiyanın məqsədi də məhz budur: böyük şəffaflığı təmin etmək və inamı möhkəmləndirmək. Missiya Azərbaycan hakimiyyətilə daha sıx əməkdaşlığa əvvəlkitək açıqdır", - Klaar X platformasındakı hesabında yazıb.
Öz növbəsində 31 martda Avropa İttifaqı missiyası aşağıdakı məlumatı yayıb: “Bütün günü EUmA Ermənistan-Azərbaycan sərhədində patrulda olub, sakitlikdir və heç bir qeyri-adi hərəkət müşahidə edilmir. EUmA hər kəsə dinc Pasxa arzulayır!”.
Xatırladaq ki, martın 31-də səhər Azərbaycan Müdafiə Nazirliyi Ermənistan hərbi texnikasının və canlı qüvvəsinin Azərbaycanla sərhəd boyunca aktiv hərəkəti barədə bildirib, sərhəddə mümkün təxribatların nəticələrinə görə məsuliyyəti Ermənistan hakimiyyətinin üzərinə qoyub.
Siyasət
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
-
Bu gün Birləşmiş Millətlər Təşkilatının baş katibi Antonio Quterreş təsdiqləyib ki, Bakıda COP29 iqlim konfransında iştirak edən ölkələr gələn il üçün iqlim dəyişikliyilə mübarizəyə vəsait ayrılması barədə razılığa gəlməyiblər.
-
Birləşmiş Millətlər Təşkilatının Ətraf Mühit Proqramı (UNEP) və Azərbaycanın Ekologiya və Təbii Sərvətlər Nazirliyi cümə axşamı COP-29-da Niyyət Protokolu imzalamaqla davamlı su resurslarının idarə edilməsinə olan sadiqliklərini rəsmi şəkildə təsdiqlədilər. UNEP-in icraçı direktoru İnqer Andersen və COP-29-un prezidenti Muxtar Babayev tərəfindən təsdiqlənmiş bu razılaşma, suyun iqlim dəyişikliyi ilə mübarizədə və davamlı inkişafın təşviqində mühüm rolunu vurğulayır.
Rəy yaz