Bakı/02.10.17/Turan: Avropa İnsan Hüquqları Məhkəməsi ölkədən çıxışına qadağa qoyulan şəxslərin şikayəti üzrə kommunikasiyaya başlayıb. Bunlar jurnalistlər Aynur Elgünəş, Aytac Əhmədova, Natiq Cavadlı və Xədicə İsmayılovadır. Bu barədə vəkil Fariz Namazlı Facebook səhifəsində məlumat yayıb.
İlk üç şəxs "Meydan" TV-nin fəaliyyəti ilə bağlı aparılan cinayət təqibi çərçivəsində, X.İsmayılovanın isə şərti cəza tətbiq edildiyi üçün ölkədən çıxışına qadağa qoyulub.
Strasburq məhkəməsi Azərbaycan hökümətindən 2018-ci il yanvarın 17-dək qədər öz qeydlərini verməyi xahiş edib.
Şikayətlərdə Avropa İnsan Hüquqları Konvensiyasının 4 sayli protokolunun 2-ci maddəsi (hərəkət azadlığı), 8-ci (şəxsi və ailə həyatına hörmət hüququ), 10-cu (fikri ifadə etmək azadlığı), 13-cü (səmərəli hüquqi müdafiə vasitələri hüququ), 18-ci (hüquqlarla bağlı məhdudiyyətlərdən istifadənin hədləri) maddələrinin pozuntusunun tanınması xahiş olunub. -03B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz