![Avropa Parlamenti Azərbaycanlı məmurlara qarşı sanksiyalar tətbiq etməyə çağırıb (yenilənib)](https://turan.az/resized/media/2015/main/091000129057-750-500-resize.webp)
Avropa Parlamenti Azərbaycanlı məmurlara qarşı sanksiyalar tətbiq etməyə çağırıb (yenilənib)
Sentyabrın 10-da Avropa Parlamentinin plenar iclasında vətəndaş cəmiyyəti fəalları, hüquq müdafiəçiləri və jurnalistlər: Xədicə İsmayılova, Arif və Leyla Yunus, Anar Məmmədli, Rəsul Cəfərov, İntiqam Əliyev, Rauf Mirqədirov, Ömər Məmmədov, Tofiq Yaqublu, Nicat Əliyev, Araz Quliyev, Pərviz Həşimli, Seymur Həzi, Hilal Məmmədov, Taleh Xasməmmədov, İlqar Məmmədov və bütün digər siyasi məhbusları qeyd-şərtsiz azad etmək, habelə onlara qarşı bütün ittihamları ləğv etmək çağırışı yer alan qətnamə qəbul edilib.
Qətnamədə Avropa Komissiyasının rəhbərliyinə Azərbaycan rəhbərliyinin Xədicə İsmayılovanın araşdırmalarında əksini tapan korrupsiya faktlarını hərtərəfli araşdırmaq çağırışı yer alır.
Qətnamədə Azərbaycan hakimlərinə, bu ölkənin rəsmi şəxslərinə və siyasətçilərinə qarşı sanksiyalar tətbiq etmək, habelə onlara viza qadağası qoymaq tələbi ifadə olunur.
Qətnamə 365 səs “lehinə”, 202 səs “əleyhinə” və 72 nəfər bitərəf olmaqla qəbul edilib.
Qətnamənin təşəbbüskarı Liberal Demokratlar Qrupu (ALDE) olub, sonradan daha beş parlament qrupu sənədi dəstəkləyib. Qətnamənin mətni ilə aşağıdakı linkdə tanış olmaq olar:
* * *
Cümə axşamı Avropa Parlamentində Azərbaycanda insan hüquqları sahəsində vəziyyətlə bağlı dinləmələr başlayıb.
http://www.europarl.europa.eu/sides/getDoc.do?type=MOTION&reference=B8-2015-0858&language=EN
Dinləmələr zamanı əsas diqqət Azərbaycanla bağlı əvvəlki təqnamələr nəzərə alınmaqla, insan hüquqları sahəsində vəziyyətə, qanunun aliliyinə riayət edilməsinə yetirilir.
Qətnamə layihəsində insan hüquqları sahəsində vəziyyətin pisləşdiyi, vətəndaş cəmiyyətinə, KİV-ə təzyiq, jurnalistlərə və fəallara qarşı repressiyalar, fundamental azadlıqların pozulması halları qeyd edilir.
Sənəddə Azərbaycana Avropa Şurası, ATƏT, BMT qarşısında insan hüquqları sahəsində götürdüyü öhdəlikləri yerinə yetirmək, bu təşkilatların vəziyyətlərin yaxşılaşdırılması üzrə tövsiyələrini yerinə yetirmək, seçkiqabağı mühiti demokratikləşdirmək çağırışı yer alır. Əks halda Avropa Parlamenti Azərbaycanda parlament seçkilərini müşahidə missiyası göndərməkdən imtina edəcək. -16D-
-
- Cəmiyyət
- 10 Sentyabr 2015 17:54
-
- Mədəniyyət
- 10 Sentyabr 2015 18:35
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz