Strasburq/21.01.19/Turan: "Biz Azərbaycanda bloger Mehman Hüseynovun aclıq etməsindən həddindən artıq narahatıq. Onun işini diqqətlə izləyirik və hakimiyyəti onu dərhal və qeyd-şərtsiz azad etməyə çağırırıq. Həmçinin, bütün digər siyasi məhbusları dərhal azad etməyə çağırırıq". Bu barədə bazar ertəsi AŞPA-nın Monitorinq Komitəsinin məruzəçisi Ştefan Şennax Avropa Şurasının plenar sessiyasında bildirib.
Elə bu gün AŞPA-nın divarları arasında Şennaxın iştirakı ilə Mehman Hüseynovun işi üzrə dinləmələr keçirilib və iştirakçılar rəsmi Bakını fərqli düşünənlərin təqib edilməsinə, vətəndaşların hüquq və azadlıqlarının pozulmasına görə qınayıblar. Onlar hakimiyyəti Avropa Şurası qarşısında öhdəliklərini yerinə yetirməyə və nəhayət, siyasi məhbuslar problemini həll etməyə çağırıblar.
Müzakirələrin iştirakçısı, blogerin qardaşı Emin Hüseynov Turan agentliyinə bildirib ki, hakimiyyət öz vətəndaşlarına qarşı repressiyalara son qoymalıdır. -02B-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz