![AXCP fəalı Murad Adilov məhkəmədə bildirib ki, onun işi siyasi motivlidir](https://turan.az/resized/./turan-750-500-resize.webp)
AXCP fəalı Murad Adilov məhkəmədə bildirib ki, onun işi siyasi motivlidir
Cümə axşamı Lənkəran Ağır Cinayətlər Məhkəməsində AXCP Sabirabad rayon təşkilatının fəalı, narkotrafikdə ittiham olunan Murad Adilova qarşı cinayət işinə mahiyyəti üzrə baxılmasına başlanılıb.
M.Adilovun vəkili Yalçın İmanov Turan-a bildirib ki, fevralın 5-də iclas zamanı ittiham aktı oxunub.
Sonra M.Adilov ifadə verib. O bildirib ki, özünü günahkar hesab etmir. Onun sözlərinə görə, həm müxalifətçi, həm də jurnalist fəaliyyətinə, eyni zamanda qardaşı Natiq Adilovun siyasi baxışlarına görə təqib olunur.
Müdafiə tərəfi bir sıra vəsatətlərlə çıxış edib. Məhkəmə yalnız bir vəsatəti – üç əlavə şahidin çağırılması barədə vəsatəti təmin edib.
Eyni zamanda məhkəmə həbs qətimkan tədbirinin ev həbsi ilə dəyişdirilməsi barədə vəzatəti rədd edib.
Məhkəmə-bioloji ekspertizaya dair rəy verən ekspertin şahid qismində prosesə çağırılması barədə vəsatət də təmin olunmayıb.
Müdafiə tərəfi M.Adilov saxlanılan gün guya ondan narkotik maddənin götürülməsi barədə “operativ” rəy verən ekspertin dindirilməsini vacib sayıb.
İclas zamanı ittiham tərəfinin şahidlərindən biri, DİN Baş Narkotiklərə Qarşı Mübarizə İdarəsinin əməkdaşı Elman Tərlanov da dindirilib.
Müdafiə tərəfi hesab edir ki, E.Tərlanov əməliyyat müvəkkili olarkən səlahiyyət həddini aşaraq Adilovların evində, həmçinin M.Adilovun üzərində axtarış aparılmasına sanksiya verib. Halbuki, buna yalnız müstəntiqin ixtiyarı var.
Növbəti məhkəmə iclası fevralın 24-nə təyin edilib.
M.Adilov 2014-cü il avqustun 11-də Sabirabad rayonunda saxlanılıb. O, “Azadlıq” qəzətinin əməkdaşı və AXCP liderinin mətbuat katibi Natiq Adilovun qardaşıdır. N.Adilov qardaşının həbsindən sonra təqib və təzyiqlər səbəbindən Azərbaycanı tərk etməli olub.—06D--
-
- Siyasət
- 5 Fevral 2015 23:01
-
- İqtisadiyyat
- 6 Fevral 2015 10:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz