AXCP sədrinin əmisi oğlu barədə cinayət işi başlanıb

Hazırda Fransada mühacirətdə olan İnqilab Kərimmova qarşı Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə) və 214-2-ci (Terroçuluğa açıq çağırışlar) maddələri ilə cinayət işi başlanıb.

Baş Prokurorluğun mətbuat xidmətinin məlumatına görə, Fransada məskunlaşmış Azərbaycan vətəndaşı İnqilab Kərimov yanvarın 7-də  “Facebook” sosial şəbəkəsinin özünə məxsus səhifəsində və kütləvi informasiya vasitələrində paylaşdığı fotoşəkildə odlu silahı – tapançanı nümayiş etdirərək ayrı-ayrı Azərbaycan vətəndaşlarını onların həyatları üçün real zorakılığı özündə əks etdirən öldürməklə hədələmə məzmunlu şərhlər yayıb. Eləcə də “İŞİD” terror təşkilatının Azərbaycanda terrorçuluq fəaliyyətinə açıq çağırışlar edib. Hərəkətlərində cinayət əməllərinin əlamətlərinin mövcudluğuna əsaslı şübhələr olduğu üçün ölkə Prokurorluğunda həmin faktlar üzrə  Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə) və 214-2-ci (Terroçuluğa açıq çağırışlar) maddələri ilə cinayət işi başlanıb.

Hazırda cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirləri həyata keçirilir. İ.Kərimov Cinayət Məcəlləsinin qeyd edilən maddələri ilə təqsirləndirilən şəxs qismində cəlb edilərək barəsində axtarış elan edilib.

İnqilab Kərimov AXCP sədri Ili Kərimlinin əmisi oğludur. O, sosial şəbəkələrdə Azərbaycan iqtidarına qarşı sərt tənqidlərlə çıxış edən mühacirlərin aradan götürülıməsi ilə bağlı statuslara cavab olaraq yazıb ki, Avropaya ona görə mühacirətə gedib ki, yaşasın və qisasını alsın. İ.Kərimov Facebook statusunda həmçinin Azərbaycanın fövqəladə hallar nazirinin oğluna qarşı da hədələyici ifadə işlədib. -03B-