![Müsavat Partiyası antiböhran tədbirlərinə dair planı təqdim edib](https://turan.az/resized/media/2016/main/010900142891-750-500-resize.webp)
Müsavat Partiyası antiböhran tədbirlərinə dair planı təqdim edib
Müsavat Partiyası böhrandan çıxmaq üçün islahatlar planını ictimaiyyətə təqdim edib. Sənəddə qeyd olunur ki, hökumətin uğursuz siyasəti nəticəsində manat devalvasiyaya uğrayıb, xalq indiki hakimiyyətin bu vəziyyətdən çıxış üçün düzgün yol tapacağına inamını itirib.
Müsavat Partiyası liberal siyasətə keçidin təmin edilməsi məqsədilə hökumətə iqtisadi və siyasi islahatlar təklif edir.
Əsasən aşağıdakılar təklif olunur:
- İnvestisiya mühitinin yaxşılaşdırılması və turizm imkanlarının inkişaf etdirilməsi;
- Antiinhisar qanununun real tətbiqi;
- Dövlət satınalmalarınıın şəffaf tenderlərlə icrası;
- Maşınqayırma, yüngül sənaye, kommunikasiya texnologiyaları üzrə yeni sənaye müəssisələrinin, dünya bazarında yer tutacaq rəqabətli istehsal markalarının yaradılması və dünyanın brend markalı məhsullarının ölkəmizdə istehsalına nail olmaq;
- Aqrar sektorun inkişafı və rentabelliliyinin təmin edilməsi məqsədilə uzunmüddətli vergi güzəştlərinin tətbiqi və s.
Partiya həmçinin əmək haqlarının və pensiyaların indeksasiyasını təklif edir.
Müsavat Partiyası Ümumdünya Ticarət Təşkilatına daxil olmağın tərəfdarıdır.
Partiya institusional islahatlar kimi Kömrük Komitəsi, Vergilər və Maliyyə nazirliklərinin bir strukturda birləşdirilməsini təşkil edir.
Neftin qiyməti 30 dollardan aşağı enərsə xam neftin ölkə xaricinə satışının dayandırılması da maraqlı təşəbbüsdür.
Müsavat Partiyası böhrandan çıxmaq üçün siyasi təkliflər də irəli sürüb. Onların arasında siyasi məhbusların dərhal azad edilməsi, real siyasi rəqabət şəraitinin yaradılması, azad və ədalətli seçkilər vasitəsilə yerli və beynəlxalq ictimaiyyətin legitim qəbul edəcəyi ali qanunverici orqanın formalaşdırılması; real hakimiyyət bölgüsünün aparılması, Avropada Yerli Özünüidarəetmə Xartiyasına uyğun yerliözünüidarə sisteminin tətbiqi var.—0—
-
- Siyasət
- 9 Yanvar 2016 15:47
-
- İqtisadiyyat
- 9 Yanvar 2016 22:53
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz