Bakı Fond Birjası (BFB) 2015-ci ilin dekabrı üçün korporativ qiymətli kağızların birjadankənar dövriyyəsi üzrə məlumatları açıqlayıb.
Hesabata görə, həmin dövrdə maliyyə şirkətinin qiymətli kağızlarının alıq-satqısının həcmi 625 mln. 584,2 min manat təşkil edib. Əqd müxtəlif nominalda 500 537 815 ədəd səhm üzrə bağlanıb.
İnvestisiya şirkətlərindən birində Turan-ın müxbiri ilə söhbət zamanı bildirilib ki, ümumi nominal dəyəri 0,5 mlrd. həcmində 500 mln. ədəd səhm «Aqrarkredit bank olmayan kredit təşkilatı» dövlət QSC-nin istiqrazlarıdır. İstiqrazlar Azərbaycan Beynəlxalq Bankı ASC-nin pis aktivlərinin sağlamlaşdırılması üçün buraxılıb. Sentyabrda olduğu kimi, indi də qiymətli kağızlar Mərkəzi Bank tərəfindən alınıb. Sentyabrdan dekabra kimi AMB Aqrarkredit-in 1Ş% mlrd. manatlıq istiqrazını alıb.
Qeyd edək ki, yuxarıdaa sadalanan qurumların heç biri həmin əqdlər üzrə rəsmi məlumat vermirlər. “Aqrarkredit” QSC-nin korporativ saytında AMB-dən alınan aktivlər barədə məlumat yoxdur.
Qeyd edək ki, dekabrda naməlum maliyyə şirkətinin 125,5 mln. manat həcmində 537 815 səhmi üzrə alqı-satqı olub.
Əvvəlki illər üzrə məlumatların təhlili göstərir ki, bu, Azərbaycanda fond bazarının fəaliyyət göstərdiyi müddətdə maliyyə şirkətlərinin qiymətli kağızlarının ikinci dövriyyəsi üzrə ən iri həcmdə birjadankənar əməliyyatdır.
Digər şirkətlərin səhmlərini nəzərə almaqla, dekabrda qiymətli kağızların birjadankənar dövriyyəsi 674,3 mln. manat təşkil edib. 2012-ci ildə mətbuatda əvvəllər qeyri-formal olaraq keçmiş iqtisadi inkişaf naziri Fərhad Əliyevə məxsus bir neçə şirkətdə nəzarət-səhm paketlərinin satışı barədə informasiya yayıldıqdan sonra BFB birjadankənar əməliyyatlar barədə tam məlumat verilməsini dayandırıb.
BFB Müşahidə Şurasının keçmiş sədri birjadankənar əməliyyatlar barədə informasiyanın yayılması qaydalarını imzalayıb ki, bu da qiymətli kağızları birjadankənar notarius və ya broker şirkətləri vasitəsilə alqı-satqı predmeti olan şirkətlərin adlarının «gizli» qalmasını təmin edib. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz